د امریکا د ولسمشر ډونالد ټرمپ او د هغه د میلیاردر متحد ایلان ماسک لخوا د فدرالي حکومت د کوچنی کولو او د لګښتونو کمولو پروګرام پلي کولو پر دوام، د دې هیواد له روغتیایي ادارو څخه د لس زره کارکوونکو د ګوښه کولو لړۍ پیل شوه.
د رويټرز خبري اژانس د راپور لهمخې دا کارکوونکي د امریکا د روغتیا او بشري خدماتو وزارت تر چتر لاندې د مهمو ادارو دي.
له دې وړاندې، د امریکا د دفاع وزارت هم خبر ورکړی و، چې پلان لري څه باندې ۵ زره کارکوونکي له دندو ګوښه کړي.