الجزیرې خبري شبکې په یوه راپور کې ویلي چې تېره ورځ د غزې په بېلابېلو سیمو د صهیونیستي رژیم د بریدونو له امله لږ تر لږه ۱۱۲ فلسطینیان، چې ډېری یې ماشومان دي، شهیدان شوي دي.
د راپور لهمخې، د دې شهیدانو له ډلې ۳۳ یې په شمالي غزه کې پر یوه ښوونځي د اشغالګرو د بریدونو له امله شهیدان شوي دي.
په ورته وخت کې، صهیونیستي رژیم د غزې د جنوبي سیمو د اوسیدونکو د اجباري بې ځایه کولو حکم صادر کړی دی.
د ملګرو ملتونو په وینا، د اسراییلو د بریدونو له بیا پیلېدو راهیسې، شاوخوا ۲۸۰ زره فلسطینیان بیا کډوال شوي دي.
د غزې روغتیا وزارت وايي، چې د اسرائیلي یرغلګرو د بریدونو له پيل راهیسې ۵۰ زره او ۵۲۳ فلسطینیان شهیدان شوي او ۱۱۴ زره او ۶۳۸ نور ټپيان شوي دي.