د لوړو زده کړو وزارت وايي، د عالیقدر امیرالمؤمنین حفظه الله تعالی د ځانګړي شفقت له مخې د نورستان لوړو زده کړو موسسې لپاره د ۲۰ جریبه ځمکې د خریدارۍ بودیجه منظوره شوه.
د یاد وزارت په وینا؛ نورستان لوړو زده کړو موسسه د تدریسي او اداري چارو لپاره د مناسب ځای د نه شتون له امله له ستونزو سره مخ وه، چې عالیقدر امیرالمؤمنین حفظه الله تعالی د اوسمهال لپاره مسولینو ته د يادې موسسې لپاره د ۲۰ جریبه ځمکې د تثبيت او خریداری لارښوونه کړې.
لوړو زده کړو وزارت زیاتوي، په نږدې راتلونکې کې به یې د تثبيت او خریداری چارې پیل شي.