د لوړو زده کړو وزارت وايي، د افغانستان اسلامي امارت د ځانګړې پېرزوینې پر بنسټ د پنجشیر لوړو زده کړو موسسې لیلیې ودانۍ جوړولو لپاره په ۱۴۰۴هـ.ش مالي کال کې ۹۰ میلیونه افغانۍ منظورې شوې.
یاد وزارت زیاتوي؛ جوړېدونکې ودانۍ د شاوخوا زر تنو محصلینو د اوسېدو ظرفیت لري، چې په جوړېدو سره به یې په یاده موسسه کې د لیلیې محصلینو لپاره ډېرې اسانتیاوې رامنځ ته کړي.
د یادونې وړ ده، چې په پنجشیر لوړو زده کړو موسسه کې د لیلیې محصلینو لپاره د اوسېدو مناسب ځای نشتون له امله لوړو زده کړو وزارت د یادې لیلیې د جوړولو وړاندیز وکړ، چې له نېکه مرغه د افغانستان اسلامي امارت لخوا یې بودیجه منظوره شوه.