مالیې وزارت وايي، د دې وزارت د پالیسۍ مرستیال انجنیر سلطان محمد زبیر د ایران هېواد د بهرنیو چارو وزرات د اقتصادي همغږۍ دفتر له عمومي رییس محمد رضا نظري او مل پلاوي سره لیدنه کړې.
یاد وزارت زیاتوي؛ په دې لیدنه کې د دواړو هېوادونو ترمنځ پر ګمرکي مسايلو، د دوه اړخیزو اقتصادي همکاریو پر لا پیاوړتیا او د دواړو هېوادونو ترمنځ د اقتصادي همکاریو د ګډ کمېسیون د وروستیو هوکړو د پلي کولو پر موضوعاتو خبري شوې دي.
همداراز په یاده لیدنه کې دواړو لوریو د ګډو اقتصادي همکاریو د لا پراختیا په برخه کي د یو لړ مهمو اقداماتو د ترسره کولو په موخه وروستۍ هوکړې ته رسیدلي، چې ورسره به ګډې اقتصادي اړیکې لا پراختیا ومومي.