د ایران د بهرنیو چارو وزیر سید عباس عراقچي عمان ته د سفر په ترڅ کې د یاد هېواد د بهرنیو چارو وزیر سید بدر البوسعیدي سره لیدنه کړې ده.
د ایران د بهرنیو چارو وزارت وایي، سید عباس عراقچي په دې لیدنه کې له امریکا سره د مذاکراتو لپاره د ایران دریځ او او مهم مسایل بیان کړي، ترڅو یې د عمان د بهرنیو چارو وزیر له امریکایي لوري سره شریک کړي.
د یاد وزارت په وینا، ښاغلي عراقچي د یوه پلاوي په مشرۍ له امریکا سره د غیرې مستقیمو خبرو لپاره دغه هېواد ته سفر کړی دی.
وړاندې د امریکا ولسمشر ډونالد ټرمپ ویلي و، چې امریکا او ایران به د تهران د اټومي پروګرام په تړاو مستقیمي خبرې اترې پیل کړي.