د امنيتي او تصفيوي چارو د مرکزي کمېسيون غونډه د ياد کمېسيون د مسول او ملي دفاع وزير مولوي محمد يعقوب مجاهد په مشرۍ د کمېسيون اکثرو غړو په شتون کې ترسره شوه.
غونډه کې د هېواد پر روان امنیتي وضعيت د هر اړخيز بحث ترڅنګ د کوچني اختر په مناسبت د امنيت د ټينګښت په برخه کې د امنيتي، دفاعي او استخباراتي ځواکونو نه ستړي کېدونکې هلېځلې ستایل شوې دي.
ګډونوالو د امنيتي ځواکونو سرښندنې د امن، ثبات او ولسي هوساينې لپاره يو ارزښتناک او مهم ګام بللی.
همداراز په غونډه کې د کډوالو د بېرته راګرځېدو بهير په اړه هم خبرې شوي، له ټولو امنيتي ارګانونو څخه غوښتنه شوې، څو له بېرته راستنېدوونکو کډوالو سره هر اړخيزه همکاري وکړي او لازمې اسانتیاوې ورته برابرې کړي.