د ټولګټو وزیر ملا محمدعیسی ثاني خوست ولایت ته د خپل کاري سفر په ترڅ کې د یاد ولایت له یو شمېر پلونو د سړکونو د خونديتوب او تمځایونو رییس عبدالواسع صابري، د خوست ولایت د ټولګټو رییس مولوي محب الله عباس هم شتون کې لیدنه کړې.
د ټولګټو وزیر په یاد سفر کې د خوست-غلام خان بندر سرک پر مسیر د ګربزو ولسوالۍ اړوند د بورې خیلو پل چې د ترمیم چارې بشپړې شوي دي، د میدانې او باړې پلونه څخه چې د موسمې اورښتونو او سېلابونو له امله تخریب شوي له نږدې لیدنه کړې.
نوموړي دا پلونه د افغانستان د ټرانزیټ په برخه کې مهم بللي او ویلي یې دي، چې د يادو پلونو د ترميم کار په پلان کې شامل او پيل کړئ.
همداراز ملا محمدعیسی ثاني د یاد ولایت د موسی خیلو ولسوالۍ اړوند د سور خوړ په سیمه کې د یو پایه کانکریټي پل لپاره د سروې شوې ساحې څخه هم لیدنه کړې، چې دوې میاشتې وړاندې یې د یاد وزارت د تخنیکي ټیم له لوري سروې ترسره شوې وه.
د یادونې وړ ده، چې په دغه سفر کې نوموړي د یاد ولایت له یو شمېر نورو پروژو څخه هم لیدنه کړې او د خوست ولایت د ټولګټو ریاست چارې یې ستایلي دي.
نوموړي زیاته کړې، د هېوادوالو د ستونزو د حل په موخه دې دغه ریاست د خپلې ماشینرۍ څخه په ګټې اخیستنې د درنو هېوادوالو ستونزې حل کړي او د امکاناتو د محدودیت پر مهال دې خپل وړانديزونه له وزارت مقام سره شریکې کړې ترڅو د حل په موخه یې لازم اقدامات ترسره شي.