د کډوالو او راستنېدونکو چارو وزیر مولوي عبدالکبیر د کورنیو چارو وزارت د پالیسۍ او ستراتېژۍ له مرستیال مولوي عبدالحق مخدوم سره لیدنه کړې.
په دې لیدنه کې مولوي عبدالحق د کډوالو لپاره د غوره امنیتي چاپېریال د برابرولو ترڅنګ ډاډ ورکړی، چې په ټولو ولایاتو کې به د پولیسو اړونده مسولین او منسوبین د کډوالو لپاره لازم چمتووالی ولري.
د کډوالو او راستنېدونکیو چارو وزیر له ټولو امارتي ادارو او عامو هېوادوالو څخه د کډوالو لپاره له چمتووالي او مرستو څخه د مننې ترڅنګ ویلي، راستنېدونکي هېوادوال له ډېرو کلونو وروسته خپل هېواد ته راځي او اړتیا ده چې ښه هرکلی یې وشي.
مولوي عبدالکبیر زیاته کړې، په زور د کډوالو ایستل د ټولو اصولو خلاف عمل دی.