د ټولګټو وزارت وايي؛ د دې وزارت له لوري د کندوز ولایت په دشت ابدان سیمه کې د سړک تخریب د مخنیوي په موخه د لوړ ټناژ بار وړونکو وسایطو د وزن د کنټرول په موخه یوه پایه تله نصب او د یاد ولایت د ټولګټو رییس ملا عبدالخالق حقمل په شتون کې ګټې اخیستنې ته وسپارل شوه.
یاد وزارت زیاتوي؛ د دې تلې د رغولو چارې تېر کال د میزان په میاشت کې د څه باندې ۷.۵ میلیونه افغانیو په ارزښت پيل شوې وې، چې دا مهال یې چارې بشپړې او رسما یې په فعالیت پیل وکړ.
په دې سره به د لوړ تناژ باروړونکو موټرو وزن کنټرول او د اسفالټي سړک له ویجاړېدو څخه به مخنیوی وشي.