د افغانستان اسلامي امارت مرستیال ویاند ملا حمدالله فطرت د ګډ امنیتي تړون سازمان د سرمنشي ویاندې اندېښنو ته په غبرګون کې ویلي، چې په افغانستان کې بشپړ امنیت ټینګ دی او په دې تړاو هر ډول اندېښنې بې ځایه دي.
د ګډ امنیتي تړون سازمان د سرمنشي د دفتر ویاندې له یوې بهرنۍ ورځپاڼې سره په مرکه ویلي، دا سازمان د افغانستان له سرحدي ولایتونو، چې د منځنۍ اسیا له هېوادونو سره پوله لري، د امنیتي ګواښونو په اړه اندیښمن دی.
اسلامي امارت په دې تړاو ټولې اندېښنې بېځایه بولي او وايي، چې د افغانستان خاوره هېچاته ګواښ نه ده.
ملا حمدالله فطرت ټینګار کوي، چې اسلامي امارت د امنیت ټینګښت او نشهیي توکو د قاچاق مخنیوي په برخه کې اغېزمن ګامونه پورته کړي.
نوموړی زیاتوي، چې د ګډو ننګونو په برخه کې باید ټول اړخونه خپل مسولیت ادا کړي.
ورته مهال د چارو یو شمېر شنونکي په افغانستان کې اوسنی امنیت بېمخینې بولي او وايي، چې سیمهییز او نړیوال سازمانونه باید له بېځایه اندېښنو ډډه وکړي.
د اسلامي امارت له بیاحاکمیت وروسته په ټول افغانستان کې بشپړ امنیت ټینګ شوی او په تېرو څه کم څلورو کلونو کې د افغانستان له خاورې هېچا ته کوم ګواښ نه دی پېښ شوی.