د عامې روغتیا وزیر مولوي نور جلال جلالي په مشرۍ، حج کمېټې افغان حاجیانو ته د روغتیایي خدمتونو وړاندې کولو په موخه ناسته کړې.
په دې ناسته کې د عامې روغتیا وزیر سربېره د یاد وزارت مرستیالانو او مرکزي رییسانو ګډون کړی وو، چې په کې د حج مراسمو پر مهال د وقایوي تدابیرو، روغتیايي چارو ښه والي او د تېر کال ستونزو په اړه خبرې شوې دي.
مولوي نور جلال جلالي حاجیانو لپاره د اړینو درملو، روغتیايي ټیمونو، وقایوي موادو او ضروري تجهیزاتو پر چمتووالي ټینګار کړی.
نوموړي همداراز د ناستې له ګډونوالو غوښتنه کړې، چې دې برخه کې خپلو مسولیتونو ته لا زیاته پاملرنه وکړي، ترڅو حاجیان د مناسکو پر مهال له روغتیايي ستونزو خوندي او د اړتیا پر مهال ورته لازم روغتیايي خدمات وړاندې شي.