د عامې روغتیا وزارت د روغتیایي خدمتونو وړاندې کولو مرستیال مولوي عبدالولي حقاني او مل تخنیکي ټیم سپین بولدک ته د سفر په ترڅ کې له روغتیایي مراکزو او خدماتو څخه لیدنه کړې.
دغه لیدنه چې موخه یې د بېرته راستنېدونکو هېوادوالو لپاره د غوره روغتیایي خدماتو وړاندې کول او د هغوی روغتیایي ستونزو ته پر وخت رسېدنه وه، مولوي عبدالولي حقاني اړوندو مسولینو ته د روغتیایي خدماتو د لا ښه والي او پراخوالي په اړه لازمې سپارښتنې کړې دي.
همداراز نوموړي د اغېزمنو روغتیایي خدماتو وړاندې کولو لپاره پر ښې همغږۍ ټینګار کړی او په سپین بولدک ولسوالۍ کې یې د بېرته راستنېدونکو کډوالو مېشت غالي له روغتیایي مسولینو څخه غوښتنه کړې، چې خپلې هڅې لا زیاتې کړي، تر څو د بېرته راستنېدونکو هېوادوالو روغتیایي ستونزو ته پر وخت رسېدنه وشي.