رويټرز خبري اژانس د باوري سرچینو له قوله خبر ورکړی، امریکا چمتو ده، چې سعودي عربستان ته د ۱۰۰ میلیارده ډالرو په ارزښت د وسلو یوه بسته ورکړي.
راپور زیاتوي، چې د امریکا ولسمشر ډونالډ ټرامپ به په مې میاشت کې ریاض ته د خپل سفر پرمهال سعودي عربستان ته دغه وړاندیز وکړي.
یادو سرچینو رویټرز ته ویلي، چې ریاض ته به د بېلابېلو وسلو یوه پراخه مجموعه، چې پکې د C-130 ترانسپورټي الوتکې، توغندي او د رادار سیستمونه شامل دي، وسپارل شي.
ټاکل شوې د امریکا د وسلو د سترو شرکتونو یو شمېر استازي هم له ټرامپ سره په راتلونکې سفر کې سعودي عربستان ته لاړ شي.