د کرنې، اوبو لګولو او مالدارۍ وزارت وايي؛ روان کال کې د هېواد د مالداري پراختیا، د کرنیزو تولیداتو زیاتوالي، د کوکنارو بدیل کښت، د اینجې د کښت ترویج د زراعتي تخمونو او کمیاوي سرې د وېش په برخه کې بېلابېلې پروژې پلې کوي.
د کرنې اوبو لګولو او مالدارۍ وزارت ویاند مولوي غلام محمد کاظم شهامت وايي؛ کرنیزو حاصلاتو ته د بازار موندنې ترڅنګ د پروسس بسته بندي او معیاري کولو په برخه کې هم ځانکړي پروګرامونه تر لاس لاندې لري، چې په بشپړولو سره به یې د صادراتو په برخه کې مهم رول ولوبوي.
د کرنې، اوبو لګولو او مالدارۍ وزارت وایي تېر کال څه باندې ۵۰ کورنیو او بهرنیو موسیسو هم د هېواد په کچه د اوبو لګولو مالدارۍ او د کرنې په بېلابېلو برخو کې ګڼې پروژې پلې کړې دي.