د پوهنۍ وزارت ویاند قاري منصور احمد حمزه وایي ، چې د ۱۴۰۳ لمریز کال په ترڅ کې د ۹۵۴ بابه ښوونځیو روزنیزې او اداري ودانیو بیارغونه شوې ده.
نوموړی زیاتوي، د یادو ودانیو ترمنځ ۸۳ یې د همکارو ادارو په ملاتړ بیا رغول شوي دي.
هېوادوال او اړوند ښوونځیو ځايي اوسېدونکي د ښوونځیو ودانیو له بیا رغونې څخه د خوښې په څرګندولو سره، د تدریس کیفیت د لوړېدو برخه کې د زیاتې پاملرنې غوښتنه کوي.
پوهنې وزارت همدارنګه له ټولو سوداګرو، پانګوالو او ښاریانو غوښتنه کړې، څو د پوهنې وزارت مادي او معنوي ملاتړ وکړي.