د افغانستان د سوک وهنې ملي فدراسیون اووه کسیزه لوبډله، د سوک وهنې اسیا جام نړیوالو سیالیو کې د ګډون په موخه نن (یکشنبه) سریلانکا هېواد ته روانه شوه.
د هېواد د ورزش اداره وايي، په دغه لوبډله کې پینځه ورزشکاران او دوه روزونکي شامل دي.
د ورزش ادارې فني او مسلکي مرستیال حافظ احمد جان ځدراڼ یادې لوبډلې ته په دې سیالیو کې د ښه ځلېدو او ښې استازولۍ سپارښتنه وکړه.
د سوک وهنې اسیا جام سیالۍ د سریلانکا هېواد په کوربه توب د روانې میلادي میاشتې پر ۱۲مه پیلېږي او د همدې میاشتې تر ۲۵مې نېټې به دوام کوي.