د اسلامي امارت په بیا واکمنۍ سره د چین او اسلامي امارت ترمنځ د سیاسي اړیکو ور اخوا اقتصادي او سوداګریزې اړیکې پیاوړې شوي او ګڼو چینايي پانګوالو په افغانستان کې په لویه کچه پانګونه کړې ده.
د اقتصاد وزارت وايي؛ چین لېواله دی چې د افغانستان په کانونو، لمرېزې برېښنا او لېږدــرالېږد برخه کې په لویه کچه پانګونه وکړي.
د اقتصادي چارو شنونکي په دې باور دي، چې چین په سیمه کې لوی اقتصادي او صنعتي هېواد دی او په افغانستان کې پانګونه د دواړو هېوادونو په ګټه ده.
د دوي په وینا، یاد هېواد کولی شي چې د افغانستان اقتصادي وده کې مثبت رول ولوبوي.
دا په داسې حال کې ده، چې د افغانستان اسلامي امارت د خپل اقتصاد محوره پالیسۍ له مخې په تېرو نږدې څلورو کلونو کې له خپلو ګاونډیو هېوادونو سربېره، د منځنۍ او جنوبي اسیا هېوادونو سره پراخې اقتصادي او سوداګریزې اړیکې جوړې کړې دي.