د اوبو او انرژۍ وزیر ملا عبداللطیف منصور د ملي پراختیا شرکت له عمومي رییس عبدالرحمن عطاش سره لیدنه وکړه.
په دې لیدنه کې د هېواد پر یو شمېر مهمو رغنیزو پروژو، په ځانګړې توګه د پلتوني بند، اغاجان بند، شفلوغ بند، سلطان ابراهیم بند او د هلمند ولایت د نهر سراج کانال د جوړولو پر چارو خبرې وشوې.
د اوبو او انرژۍ وزیر د یادو پروژو حیاتي اهمیت ته په اشارې سره وویل؛ چې د روانو پروژو عملي چارې باید ګړندۍ شي او هغه پروژې چې لا هم د پیل په پړاو کې دي، باید ژر تر ژره یې عملي چارې پیل شي.
د ملي پراختیا شرکت عمومي رییس ډاډ ورکړ، چې یاد شرکت به د دغه وزارت د پروژو د پلي کېدو چټکتیا لپاره له ټولو امکاناتو ګټه پورته کړي.