د بهرنیو چارو وزیر مولوي امیرخان متقي د چین د بهرنیو چارو له وزیر وانګ یي او د پاکستان د بهرنیو چارو له وزیر اسحاق ډار سره ګډه ناسته وکړه.
د بهرنیو چارو وزارت د عامه اړیکو رییس حافظ ضیاء احمد تکل وايي، چې په دې ناسته کې د افغانستان – چین – پاکستان د بهرنیو چارو وزیرانو د ډیالوګ د راتلونکې شپږمې ناستې په اړه خبرې شوې دي.
دې لیدنه کې د هېواد د بهرنیو چارو وزیر له افغانستان سره د دواړو هېوادونو سیاسي او اقتصادي اړیکې مهمې بللې او هیله یې ښودلې چې راتلونکي کې په یادو برخو کې ښه پرمختګونه وشي.
دغه راز دې ناسته کې د چین او پاکستان د بهرنیو چارو وزیرانو له افغانستان سره د ښه ګاونډیتوب او متقابل احترام پر بنسټ د اړیکو د لا پرمختګ ډاډ ورکړی دی.
دغه راز دې ناسته کې درې واړو لوریو د هېوادونو ترمنځ د سوداګرۍ پر زیاتوالي او د ترانزیټ په برخه کې د اسانتیاوو په رامنځته کولو هوکړې کړې دي.