ملګرو ملتونو کې د روسیې استازی وایي، چې د اوکراین ولسمشر ولادمیر زلینسکي د خپل هېواد د وګړو له ژوند سره لوبې کوي.
ناتالیا کازماز ینسکایا په ملګرو ملتونو کې اعلان کړی، چې ولادمیر زلینسکي پر زاپوریژیا هستوي بټۍ د برید امر کړی او دا کړنه د اوکرایني وګړو او د اروپايانو له ژوند سره لوبې کول دي.
د نوموړې په وینا؛ د اوکرایني پوځیانو له لوري په دوامداره توګه پر زاپوریژیا هستوي بټۍ بریدونه د دې تاسیساتو لپاره اصلي ګواښ دی.
پر اوکراین د روسیې له برید راهیسې په ځلونو پر زاپوریژیا هستوۍ بټۍ بریدونه شوي خو روسیې او اوکراین یو بل تورن کړي دي.