د غالۍ اوبدلو کارخونې ښځینه کارکوونکې له مناسب کاري چاپیریاله خوښي څرګندوي او له اړوند بنسټونو غواړي چې میرمنو ته پراخې کاري زمینې او غوره فرصتونه برابر کړي.
د یادې کار خونې مسولین وایي، چې اوسمهال سل میرمنې د غالیو په اوبدلو بوختې دي.
د دې کارخونې ډیری تولید شوې غالۍ ترکیې او پاکستان ته صادرېږي.
له بل لوري د اقتصاد وزارت مسوولین د غالیو د صنعت پر اهمیت ټینګار کوي او وايي، چې د غالیو اوبدلو صنعت د ودې لپاره جدي کار کوي.
د یادولو وړ ده، چې د افغانستان غالۍ د ښه کیفیت له امله د نړۍ په بازارونو کې غوره او تود بازار لري.