د المان ولسمشر فرانک والټر د امریکا ولسمشر ډونالډ ټرمپ پر بهرني سیاست نیوکه کړې او خبرداری یې ورکړی، چې نړۍ باید اجازه ورنه کړي ترڅو نړیوال نظم د غلو پر ځالې بدل شي.
هغه په خپلو توندو څرګندونو کې چې ښکارېدل په وېنزوېلا کې د امریکا وروستیو اقداماتو ته اشاره کوله وویل: « موږ د خپل مهم شریک امریکا له لوري د نړیوالو ارزښتونو د نابودۍ شاهدان یو»
په اندونیزیا کې د افغانستان اسلامي امارت سفارت سرپرست سفیر مولوي سعدالله بلوچ، د اندونیزیا د اساسي قانون محکمې په ځانګړې عمومي غونډه کې، چې په پلازمېنه جاکارتا کې جوړه شوې وه، ګډون وکړ.
په یاده غونډه کې د اندونیزیا لوړپوړو دولتي چارواکو او په کوربه هېواد کې د مېشتو سفارتونو ډیپلوماټانو او استازو ګډون کړی وو.
د اداري کمېسيون غونډه افغانستان اسلامي امارت د رياست الوزرا اداري مرستيال مولوي عبدالسلام حنفي په مشرۍ او د دې کمېسيون د غړو په ګډون ترسره شوه.
په دې غونډه کې، لومړی ټاکل شويو کمېټو د خپلو ورسپارل شويو فعاليتونو او کړنو په اړه معلومات وړاندې کړل.
وروسته د ښاروالیو او د سوداګرۍ او پانګونې خونې پر اړوندو موضوعاتو هر اړخيز بحث وشو او په اړه يې لازم تصميمونه ونيول شول.
دغهراز د غونډې په پای کې، په اجنډا کې د شاملو نورو موضوعاتو د لا زياتې ارزونې په موخه کمېټو ته دنده وسپارل شو.
د اسلامي امارت ویاند مولوي ذبیح الله مجاهد وايي، د عالیقدر امیرالمؤمنین حفظه ﷲ د حکم پر اساس د وزارتونو د وزیرانو او مرستیالانو په کچه بېلابېلې تازه ګومارنې شوي دي.
د عالیقدر امیرالمؤمنین حفظه ﷲ د حکم پر اساس د اوبو او انرژۍ وزارت مخکنی وزیر ملا عبداللطیف منصور؛ د کلیو، بیا رغونې او پراختیا د وزیر په توګه، د کلیو ،بیا رغونې او پراختیا مخکنی وزیر ملا محمد یونس اخندزاده؛ د اوبو او انرژۍ د وزیر په توګه همدا شان د ټولګټو وزارت مخکنی مالي او اداري مرستیال ملا عبدالحق همکار د افغانستان برېښنا شرکت د عمومي رییس په توګه.
د اطلاعات او کلتور وزارت د ځوانانو چارو مخکنی مرستیال قاري محمد یونس راشد؛ د ټولګټو وزارت د مالي او اداري مرستیال په توګه او د افغانستان برېښنا شرکت مخکنی عمومي رییس ډاکټر عبدالباري عمر؛ د بهرنیو چارو وزارت د تشریفاتو رییس په توګه ټاکل شوي دي.
د کابل شنو صنايعو پارک کې د ۳۴ میګاواټه لمریزې برېښنا جوړولو پروژې، ۱۲۶ میګاواټه امپیر سب سټیشن او د ۲۲۰ کیلوولټه لیږد مزي د جوړولو چارې نن (پنجشنبه، مرغومي ۱۸مه) د یو لړ مراسمو په ترڅ کې پرانیستل شوې.
په دې اړه جوړو شویو مراسمو کې د چارو ادارې عمومي رییس شیخ نورالحق انور، د برېښنا شرکت عمومي اجراییوي رییس ډاکټر عبدالباري عمر، د مخابراتو او معلوماتي ټکنالوژۍ وزیر مولوي حمدالله نعماني، صنعتکارانو، سوداګرو او د اسلامي امارت یو شمیر نورو چارواکو ګډون کړی وو.
د افغانستان برېښنا شرکت عمومي اجرائیوي رییس ډاکټر عبدالباري عمر کابل کې د ۳۴ میګاواټه لمریزې برېښنا پروژې د پرانیستې په مراسمو کې وویل، چې د دې پروژې په پلي کېدو سره د شنو صنایعو پارک صنعتکارانو د برېښنا ستونزه په بشپړ ډول حل کېږي.
ښاغلي عمر زیاته کړه، چې په ټول هېواد کې د برېښنا د تولید، د معیاري شبکو او د ظرفیت لرونکو سبسټیشنونو د جوړولو لپاره هڅې روانې دي.
د افغانستان برېښنا شرکت عمومي اجرائیوي رییس وویل، د برېښنا د تولید تر څنګ، د برېښنا د وېش د معیاري شبکو او معیاري سبسټېشنونو د جوړولو هڅې هم روانې دي.
نوموړي زیاته کړه، د برېښنا د منظم وېش لپاره د شبکو جوړولو لپاره میلیاردونه افغانیو ته اړتیا ده، تر څو خلکو ته په ښه شکل برېښنا ورسیږي.
د برېښنا شرکت د عمومي رییس په وینا، د برېښنا د وېش شبکو په جوړېدلو سره د برېښنا د کمزورۍ او ضایع کېدو ستونزې هم تر ډېره پای ته رسیږي.
د افغانستان برېښنا شرکت عمومي اجرائیوي وویل، د برېښنا د تولید تر څنګ، د برېښنا د وېش د معیاري شبکو او معیاري سبسټېشنونو د جوړولو هڅې هم روانې دي.
ښاغلي عمر زیاته کړه، د برېښنا د منظم وېش لپاره د شبکو جوړولو لپاره میلیاردونه افغانیو ته اړتیا ده، تر څو خلکو ته په ښه شکل برېښنا ورسیږي.
د برېښنا شرکت د عمومي رییس په وینا، د برېښنا د وېش شبکو په جوړېدلو سره د برېښنا د کمزورۍ او ضایع کېدو ستونزې هم تر ډېره پای ته رسیږي.
همدارنګه د چارو ادارې عمومي رییس شیخ نورالحق انور وویل، چې د اسلامي امارت له راتګ وروسته د هېواد په ګوټ ګوټ کې سترې پروژې پلي شوې دي.
ښاغلي انور د کابل د شنو صنایعو پارک د ۳۴ میګاواټه لمریزې برېښنا دستګاه د جوړولو پروژې د چارو پرانیستې مراسمو کې وویل، اسلامي امارت د ولسونو ستونزې درک کړي او د افغانستان هر وګړي ته په متوازنه توګه خدمات وړاندې کیږي.
نوموړي زیاته کړه، افغانستان د یوه داسې حکومت څښتن شوی چې نورو ته په تمه نه دی او د خپلو مسولیتونو ترسره کول خپل مکلفیت ګڼي.
شیخ نورالحق انور وویل، اسلامي امارت هغه حکومت دی چې د افغانستان په داخل کې د ولسونو له لوري جوړ شوی او د پردیو فرمایش ته پکې ځای نشته او دغه حکومت د هر اړخیزه خپلواکۍ څښتن دی.
د چارو ادارې عمومي رییس دغه راز زیاته کړه، تاریخ شاهد دی، هغو نظامونه په افغانستان کې پایله نه ده ورکړې چې له بهر څخه راغلي وي او یا د پردیو په فرمایش جوړ شوي وي.
د مخابراتو او معلوماتي ټکنالوژۍ وزیر مولوي حمدالله نعماني د ۳۴ میګاواټه لمریزې برېښنا پروژې د پرانیستې په مراسمو کې له ټولو افغان پانګوالو وغوښتل، چې شته فرصتونو څخه په ګټه اخیستنه د هېواد په ابادۍ کې برخه واخلي.
ښاغلي نعماني زیاته کړه، هېواد کې شته امنیت او ثبات د پانګونې لپاره غوره زمېنه برابره کړې ده.
د هرات ولایت مقام رسنیز دفتر وايي، د روان لمریز کال په ۹ میاشتو کې د ۲۴ میلیونه او ۲۶۸ ډالرو په ارزښت ۲۲ زره ټنه درملیز نباتات له هېواد څخه صادر شوي دي.
د یاد دفتر په وینا، دغه درملیز نباتات روسیې، متحده عربي اماراتو، ایران او امریکا ته صادر شوي دي.
د یاد دفتر په خبرپاڼه کې راغلي، په صادر شویو درملیزو نباتاتو کې د زرشک لرګی، توره زیره، شنه زیره، شيرینبیان، زنجبیل، دارچین، اویشن، روزماري او یو شمېر نور نباتات شامل دي، چې د هرات له لارې نړیوالو بازارونو ته صادر شوي دي.
د ټولګټو وزارت تخنیکي مرستیال مولوي عبدالکریم فاتح او مالي او اداري مرستیال ملا عبدالحق اخوند په کابل کې د ایران له سفیر علي رضا بیکدلي سره لیدنه کړې.
ټولګټو وزارت وایي، چې په دې لیدنه کې د ابو نصر فراهي میل ۷۸ سړک په مسیر کې د شته ستونزو د حل او د دې پروژې د چارو د بشپړېدو په اړه خبرې شوې دي.
دغه وزارت زیاته کړې، چې ابو نصر فراهي بندر د افغانستان او ایران ترمنځ یو له کیلدي بندرونه څخه دی، چې د میل ۷۸ سړک په بشپړېدو سره به د دواړو هېوادونو ترمنځ سوداګریزه راکړه ورکړه نوره هم پراخه شي.
په پای کې د دواړو لوریو ترمنځ د اقتصادي اړیکو، سوداګریزې راکړې ورکړې او د زېربنایي پروژو په برخه کې پر همکارۍ ټینګار شوی دی.
د رياست الوزرا اداري مرستيال مولوي عبدالسلام حنفي د جوزجان له نوي والي مولوي عبدالله سرحدي سره لیدنه کړې.
په دې لیدنه کې لومړی د بامیانو مخکېني والي مولوي عبدالله سرحدي، په دې ولایت کې د خپلو کړنو او فعالیتونو او د جوزجان خلکو ته د خدمت په برخه کې د خپلو پلانونو او برنامو په اړه د رياست الوزرا اداري مرستيال ته معلومات ورکړي دي.
مولوي عبدالله سرحدي ویلي، د بامیانو د والي په توګه د خپل خدمت په کلونو کې یې تل کوښښ کړی، چې د یاد ولایت خلکو ته په امنیتي، ټولنیزو، ښوونې او روزنې، روغتیا او نورو برخو کې ښه خدمتونه وړاندې کړي او اوس چې د اسلامي امارت د مشرانو او رهبري د لزوم دید له مخې د جوزجان خلکو ته د خدمت لپاره منصوب شوی، د دې ولایت د خلکو د خدماتو لپاره به ډېر کوښښ وکړي.
د رياست الوزرا اداري مرستيال مولوي عبدالسلام حنفي ښاغلي مولوي عبدالله سرحدي ته د ښه راغلاست ترڅنګ د بامیانو د والي په توګه د نوموړي د کړنو او هڅو قدرداني کړی او ویلي یې دي، په مرکز او ولایتونو کې د اسلامي امارت مسولین خلکو ته د صادقانه خدماتو په موخه ځانونه مسول ګڼي.
نوموړي زیاته کړې، د امنیت ټینګښت، د خلکو ستونزو ته رسېدنه، د وحدت او همدلۍ روحیې پیاوړتیا او د ژوند د بېلابېلو برخو د اسانتیاوو برابرول د اسلامي امارت له لومړیتوبونو څخه دي.
مولوي عبدالسلام حنفي همدارنګه ټینګار کړی، والیان او محلي مسولین مکلف دي، چې له خلکو سره ښه چلند ولري، د هغوی ستونزې له نږدې واوري او له اړوندو ادارو سره په همغږۍ د هغو د حل کوښښ وکړي.
دغهراز نوموړي هیله څرګنده کړې، چې ښاغلي مولوي عبدالله سرحدي په جوزجان ولایت کې هم د بامیانو په څېر د خدمت کولو په روحیه خپل مسولیت په ښه توګه ترسره کړي او د دې ولایت د خلکو د هوساینې او ارامۍ د تامین په برخه کې موثر ګامونه واخلي.
په دوحه کې د اسلامي امارت سفیر محمد سهیل شاهین د قطر د بهرنیو چارو وزارت د نړیوالو سازمانونو د څانګې له مرستیال رییس محمد الحمادي سره لیدنه کړې.
قطر کې د افغانستان سفارت وایي، په دې لیدنه کې دواړو لوریو په روان سیاسي وضعیت، ملګرو ملتونو او نورو نړیوالو سازمانونو سره د افغانستان په اړیکو او ښکېلتیا او یو شمېر نورو موضوعاتو باندې خبرې کړې دي.
د امریکا ولسمشر ډونالډ ټرمپ هغه فرمان لاسلیک کړ، چې له مخې یې په لسګونه سازمانونو او د ملګرو ملتونو پورې اړوند بنسټونو کې د امریکا غړیتوب لغوه کېږي.
د رویټرز خبري اژانس د راپور له مخې، په دغه فرمان کې له ۳۵ خپلواکو نړیوالو سازمانونو او د ملګرو ملتونو پورې اړوند ۳۱ بنسټونو څخه د امریکا وتل شامل دي.
سپینې ماڼۍ ویلي، چې دغه سازمانونه او بنسټونه « د امریکا ملي ګټو خلاف» کار کوي.
