د غازي امان الله خان لېسټ‌اې سیالۍ د افغانستان کرېکټ په تاریخ کې خورا مهمې سیالۍ دي، چې هر کال یو ځل په یوورځني فارمټ کې ترسره کیږي او له همدې ځایه ځوان لوبغاړو ته ملي لوبډلې ته د شامېلېدو چانس پیداکیږي. د د ې سیالیو لومړی پړاو په ۲۰۱۷م کال کې د ننګرهار په کوربتوب ترسره شو، چې کوربه سپین‌غر پکې اتلولي خپله کړه.

دغه سیالۍ تر دې دمه ټولټال ۶ پړاوه تره سره شوي، چې لومړی پړاو یې سپین‌غر، دویم بست، درېیم، څلورم او پینځم پړاونه یې مس‌عینک خپل کړل او وروستی پړاو یې بیا هم د بست په ګټه پای ته ورسېده.
د غازي امان الله خان جام لېسټ اې شپږم پړاو سیالۍ د ملي راډیو ټلوېزیون په ژوندي خپراوي د لړم/عقرب میاشتې پر ۷مه نېټه د ننګرهار ولایت د غازي امان الله خان کرېکټ ملي لوبغالي کې پیل شوې، چې د همدې میاشتې تر ۲۹مې یې دوام وکړ.

په دې سیالیو کې ۵ زونونو سپین‌غر، مس‌عینک، بست، بند امیر او امو زونونو ونډه اخیستې وه، چې له ۲۲ ورځني سفر وروسته په یوې جذابې پایلوبې پای ته ورسېدې. د دې سیالیو پایلوبې ته بست او اموزونو لار موندلې وه. بست د لوبې پچه وګټله او د نورو لوبو پر خلاف یې لومړی توپوهنه پیل کړه. بست په ټکلیو ۴۵ اورونو کې د ۶ لوبغاړو په سوزېدو سره د دې پړاو تر ټولو لوړ ۳۳۷ منډې هدف وټاکه. په دې پاڼۍ کې بست لوپاره درویش رسولي ۱۲۲ او بلال احمد ترین ۸۸ منډې جووړې کړې. هاخوا بیا امو لپاره سلیم ساپي ۵۶ منډو په بدل کې ۲ ویکټې واخیستې.
پر وړاندې یې امو زون په خپله پاڼۍ کې له ۴۵ اورونو څخه ټولټال ۳۹.۱ اورونه ولوبول، چې د ایجاز احمد او اعجاز احمدزي د ۴۸ او ۴۰ منډو پر مټ یې ټولې ۲۰۷ منډې جوړې کړې او سیالۍ یې د ۱۲۹ منډو په توپیر وبایلله.
په دې پاڼۍ کې بست لوبډلې لپاره لوبډلمشر یمین احمدزي ۳، عبدالباقي هم ۳ او سیدشېرزاد بیا ۲ ویکټې واخیستې.
په دې پایلې سره بست زون د یمین احمدزي تر لوبډلمشرۍ لاندې دوم ځل لپاره د لېسټ اې سیالیو اتلولي وګټله.
په دې سیالیو کې درویش رسولي غوره توپوهنکی او یمین احمدزی غوره توپ‌اچونکی ونومول شو.
بست زون دویم ځل لپاره د غازي امان الله خان لېسټ‌اې سیالیو اتلولي خپله کړه.

د غازي امان الله خان لېسټ‌اې سیالۍ د افغانستان کرېکټ په تاریخ کې خورا مهمې سیالۍ دي، چې هر کال یو ځل په یوورځني فارمټ کې ترسره کیږي او له همدې ځایه ځوان لوبغاړو ته ملي لوبډلې ته د شامېلېدو چانس پیداکیږي. د د ې سیالیو لومړی پړاو په ۲۰۱۷م کال کې د ننګرهار په کوربتوب ترسره شو، چې کوربه سپین‌غر پکې اتلولي خپله کړه.
دغه سیالۍ تر دې دمه ټولټال ۶ پړاوه تره سره شوي، چې لومړی پړاو یې سپین‌غر، دویم بست، درېیم، څلورم او پینځم پړاونه یې مس‌عینک خپل کړل او وروستی پړاو یې بیا هم د بست په ګټه پای ته ورسېده.
د غازي امان الله خان جام لېسټ اې شپږم پړاو سیالۍ د ملي راډیو ټلوېزیون په ژوندي خپراوي د لړم/عقرب میاشتې پر ۷مه نېټه د ننګرهار ولایت د غازي امان الله خان کرېکټ ملي لوبغالي کې پیل شوې، چې د همدې میاشتې تر ۲۹مې یې دوام وکړ.
په دې سیالیو کې ۵ زونونو سپین‌غر، مس‌عینک، بست، بند امیر او امو زونونو ونډه اخیستې وه، چې له ۲۲ ورځني سفر وروسته په یوې جذابې پایلوبې پای ته ورسېدې. د دې سیالیو پایلوبې ته بست او اموزونو لار موندلې وه. بست د لوبې پچه وګټله او د نورو لوبو پر خلاف یې لومړی توپوهنه پیل کړه. بست په ټکلیو ۴۵ اورونو کې د ۶ لوبغاړو په سوزېدو سره د دې پړاو تر ټولو لوړ ۳۳۷ منډې هدف وټاکه. په دې پاڼۍ کې بست لوپاره درویش رسولي ۱۲۲ او بلال احمد ترین ۸۸ منډې جووړې کړې. هاخوا بیا امو لپاره سلیم ساپي ۵۶ منډو په بدل کې ۲ ویکټې واخیستې.
پر وړاندې یې امو زون په خپله پاڼۍ کې له ۴۵ اورونو څخه ټولټال ۳۹.۱ اورونه ولوبول، چې د ایجاز احمد او اعجاز احمدزي د ۴۸ او ۴۰ منډو پر مټ یې ټولې ۲۰۷ منډې جوړې کړې او سیالۍ یې د ۱۲۹ منډو په توپیر وبایلله.

په دې پاڼۍ کې بست لوبډلې لپاره لوبډلمشر یمین احمدزي ۳، عبدالباقي هم ۳ او سیدشېرزاد بیا ۲ ویکټې واخیستې.
په دې پایلې سره بست زون د یمین احمدزي تر لوبډلمشرۍ لاندې دویم ځل لپاره د لېسټ اې سیالیو اتلولي وګټله.
په دې سیالیو کې درویش رسولي غوره توپوهنکی او یمین احمدزی غوره توپ‌اچونکی ونومول شو.

روزي خان خپلواک

یاده غونډه د اطلاعاتو اوکلتور رياست له لوري د سرحدونو او قبايلو چارو ریاست د غونډو په تالار کې جوړه شوي وه، چې پکې د نورستان والي شیخ شیراحمد حقاني سربیره د علماوو شورا رییس مولوي محمد نور حنفي، د اطلاعاتو اوکلتور رییس مولوي سميع الحق حق بیان، علمای کرامو، مرکز او ولسواليو قومي مشرانو او ولسي خلکو ګډون کړي و.

مولوي محمدنور ویلي، د خپلو کډوالو وروڼو سره د توان سره سم د هر ډول همکارۍ نه به دریغ و نه کړو.

د نورستان والي شیخ شیراحمد حقاني د پاکستان هېواد دغه پریکړه ظالمانه بللې، چې افغان کډوال یې د یاد هېواد له لوري په زور او جبر سره راوشړل، او د کډوالو بشري حقوق او نړیوال اصول یې تر پښو لاندې کړل.

نوموړي ویلي، اسلامي امارت د کډوالو لپاره لنډ مهاله پنډغالي، تراسپوړټ، درملنې، پوهنې او سرپناه په برخه کې ورته لازم او اړينې اسانتیاوې برابري کړي.

ښاغلي حقاني د خلکو څخه غوښتنه کړې؛ چې د اسلامي او انساني همدردۍ له مخې دې د خپلو راستنیدونکو کډوالو سره د خوراک، څښاک، سرپناه او نورو برخو کې همکاري وکړي، او د کډوالو لپاره د مرستو راټولولو په موخه د صندوق ایښودلو یادونه هم کړې.

ګډون والو مخورو د افغان کډوالو په اړه د پاکستان هېواد دغه ظالمانه پریکړه په سختو ټکو غندلې.

نوموړو ویلي، نورستان ولسونه راستنیدونکو کډوالو ته د زړه له کومې او د سترګو په لیمو هرکلي کوي او په یاده برخه کې د هر ډول مرستې او همکارۍ ژمنه ورسره کوي.

د روزګان ولایت په چوره ولسوالۍ کي د دغه ولایت د اطلاعات او فرهنګ ریاست له لوري د ۱۶ کرېکټ لوبډلو ترمنځ (اسلامي نظام زموږ ګډ کور دی) په عنوان د کرېکټ ۳۰ ورځنۍ سیالۍ پیل شوې.

دغه سیالۍ چي د اطلاعات او فرهنګ ریاست له لوري د کرېکټ بورډ امریت سره په همږغۍ د دغه ولایت په چورې ولسوالي کې پیل شوې د پرانستې په مراسمو کې یې د اطلاعات او فرهنګ رییس قاري اغاولي قریشي، د کرېکټ بورډ امر، لوبغاړو او ځوانانو برخه اخیستې وه.

د اطلاعات او فرهنګ رییس ویلي، موږ به تل د خپلو ځوانانو د خدمت او سالمو هیلو پوره کولو لپاره هلې ځلې کوو او د دوی د تشویق او یو ځای والي لپاره به خدمت کوو.

نوموړي زیاته کړې؛ دا چي دغه سیالۍ مو د اسلامي نظام زموږ ګډ کور دی تر نامه لاندي جوړې کړي د ټولو ځوانانو غواړم، چې د اسلامي نظام لپاره خپل مسولیت وپېژني او خدمت وکړي.

د کرېکټ مسول خیر الله افغان ویلي؛ اسلامي نظام زموږ ګډ کور دی تر نوم لاندی دغه پیل شوې سیالۍ د اطلاعات او فرهنګ ریاست په همکارۍ د ۱۶ لوبډلو ترمنځ پیل شوې، چي  ۳۰ ورځې به دوام وکړي.

نوموړي زیاته کړې، د کرکټ د پرمختګ په موخه غواړو ټولو ولسوالیو کې د کرېکټ لوبډلې ولرو او داسې سیالۍ ورته چمتو کړو.

لوبغاړي خوښ دي، چي په لومړي ځل ورته د کرېکټ لوبي په لاره اچول شوي، او د مسولینو څخه یې د لا زیاتې پاملرنې غوښتنه کړې.

یادو لوبغاړو زیاته کړې؛ د اسلامي نظام لپاره به خپل مسولیتونو ته پاملرنه کوو، د خپل نظام او هېواد ملاتړي به یو.

غزه کې د اسرائیلو او فلسطین تر منځ د جګړې په ۴۶مه ورځ حماس اوربند ته د نږدې کېدو خبر ورکړی.

د حماس غورځنګ مشر اسماعیل هنیه وايي، چې له اسرائیلي چارواکو سره غزه کې د جګړې درولو هوکړې ته نږدې شوي او حماس خپل ځواب د قطر چارواکو او نورو منځګړو ته استولی دی.

د دې تر څنګ د امریکا ولسمشر جوبایډن هم غزه کې د جګړې پای ته د نږدې کېدو په تړاو خبرې کړې دي.

د حماس په خبرپاڼه کې زیاتو جزیاتو ته اشاره نه ده شوې، خو له دې وړاندې ځینې رسنیو، غزه کې د جګړې د څو ورځني بندښت، په ۲۴ ساعتونو کې د لسګونو بندیانو ازادولو او غزې ته د بشري مرستو د زیاتولو په تړاو راپورونه خپاره کړي وو.

دغه‌راز ځینې رسنیو بیا د اسرائیلو په زندانونو کې د فلسطیني ښځو او ځوانانو ازادۍ ته اشاره کړې وه، چې تر اوسه په رسمي ډول نه ده تایید شوې.

له دې سره اوس هم غزه له ناورین سره مخ ده او اوسېدونکي یې په سختو ناخوالو، ګواښونو او زور زیاتیو کې ژوند کوي.

غزه کې د اوربند په تړاو له دې څرګندونو وړاندې د ملګرو ملتونو امنیت شورا د جګړې پای ته رسولو لپاره هوکړې ته رسېدلي وو، خو تر اوسه دې تړانګه کې اوربند نه دی تایید شوی.

د افغاني سرې مياشتې سرپرست لوی ریيس مولوي مطيع الحق خالص او مل پلاوي ویتنام هېواد ته د خپل سفر په لړ کې ياد هېواد کې د سویډن د ملي ټولنې د رهبرۍ د بورډ له غړي کري ايسوما او مل پلاوي سره په افغانستان کې پر بشري فعالیتونو ګډه ناسته کړې.

ناسته کې د افغانستان له ګاونډیو هېوادونو د راستنېدونکو کډوالو پر لازم لاسنیوي او مرسته او په هرات کې د زلزله ځپلو پر ستونزو او هغوی ته د مرستو چمتو کولو پر څرنګوالي بحث او خبرې شوي.

کري ايسوما ژمنه کړې، چې دوی به تر خپل توانه له افغاني سرې مياشتې سره راستنو شويو ګډوالو او زلزله ځپلو ته د مرستو په چمتو کولو کې لازمه همکاري وکړي او په افغانستان کې به خپلو فعالیتونو ته پراختیا ورکړي.

نوموړي همدا ډول په افغانستان کې د بشري فعالیتونو په برخه کې ډاډ څرګند کړی، چې د افغاني سرې میاشتې تر څنګ به ولاړ وی.

د ټولګټو وزارت سرپرست ملا محمد عیسی ثاني کندهار ته د خپل کاري سفر په ترڅ کې د شاه ولي کوټ – ترینکوټ عمومي سړک او کندهار – هرات لويې لارې له رغنیزو چارو څخه لیدنه کړې.

د شاه ولي کوټ – ترینکوټ عمومي سړک چې ۴۵ کیلومتره اوږدوالی لري او د ۵۲ پایو پلګوټو د بیارغونې کار هم پکې شامل دی، د کندهار د ټولګټو ریاست د شته پرسونل او ماشینرۍ څخه په ګټه اخیستنې بیارغول کیږي.

د یاو رغنیزو چارو مالي لګښت د عالیقدر امیرالمؤمنین حفظه الله له دفتر څخه ورکول کیږي.

سرپرست وزیر د کندهار – هرات لويې لارې اړوند د باغ پل – لشکرګاه دوراهي سړک له کاري بهیر څخه هم لیدنه کړې او د پروژې فني او تخنیکي ټیمونو ته یې دنده سپارلې، چې د یاد سړک له کاري بهیر څخه جدي څارنه او پاملرنه وکړي، تر څو په خپل وخت د يادې پروژې چارې بشپړ ې او د خلکو ترانسپورتي ستونزي هوارې شي.

 دغه سړک چې ۷۸ کیلو متره اوږدوالی لري د کندهار له باغ پل څخه پیل د یاد ولایت له ژېړۍ او میوند ولسوالیو څخه په تیرېدو تر هلمند دوراهي پورې رسیږي.

د یاد سړک په اوږدو کې د یو شمېر پلګوټو او واشونو رغول هم شامل دي، چې د ترمیم او بیا رغونې چارې یې د ټولګټو وزرات او خصوصي شرکت ترمنځ د معدن په بدل کې قرارداد شوي دي.

د ‌دغو پروژو په پلي کیدو سره به د خلکو ترانسپورتي ستونزې د پخوا په پرتله هوارې شي او خلک به په اسانۍ سره تګ راتګ وکړي.

د خوړو او درملو ملي ادارې سرپرست د حکومت د اطلاعاتو او رسنیو په مرکز کې د یوه خبري کنفرانس پر مهال هالنډ هېواد ته د خپل وروستي سفر جزییات له رسنیو سره شریک کړل.

د خوړو او درملو ملي ادارې سرپرست ډاکټر عبدالباري عمر په دې خبري کنفرانس کې ویلي، چې د هالنډ په دنهاګ ښار کې د سیمه‌ییزو تولیداتو دویم نړیوال کنفرانس ته په رسمي ډول دعوت شوی وم او هلته مې په یاد کنفرانس کې ګډون وکړ.

ښاغلي عمر زیاته کړې، چې دغه کنفرانس د طبي تجهیزاتو، درملو، واکسینونو او خوندي خوړو له کیفیت څخه د ډاډ ترلاسه کولو او په دې برخه کې د موجودو نړیوالو قوانینو او ستراتېژیو د پوهاوي په اړه جوړ شوی وو.

د نوموړي په وینا؛ یاد کنفرانس کې یې د افغانستان وضعیت په ښه ډول تشریح او نړیوال یې له رامنځته شویو پرمختګونو څخه خبر کړي، د طبي تجهیزاتو او درملو تولید د پرمختللو هېوادونو له تجربو څخه یې ښه ګټه پورته کړې ده.

دغه راز ښاغلي عمر ویلي، چې د کنفرانس په څنډه کې یې د درملو او طبي تجهیزاتو د سترو او نړیوالو کمپنیو له استازو سره کتلي او له هغوی یې غوښتي، چې افغانستان کې پانګونه وکړي.

ښاغلي عمر زیاته کړې، چې د درملو او طبي وسایلو د کمپینو ډېری استازو په افغانستان کې د پانګونې لپاره، لېوالتیا ښودلې ده.

د خوړو او درملو ملي ادارې د سرپرست په وینا؛ هالند، المان او بلجیم هېوادونو کې یې له مېشتو افغانانو او افغاني کادرونو سره هم لیدنې کړې او هغوی ته یې افغانستان کې د خدمت کولو بلنه ورکړې ده.

د مهاجرینو او راستنېدونکو چارو وزارت مالي او اداري مرستیال محمد ارسلاح خروټي د ایټالیايي موسسې له عمومي رییسې سوسانا فیورتي او د بورډ له غړي ښاغلي سزویزو سویره سره لیدنه کړې.

 دواړو لورو له پاکستان څخه په جبري توګه راستنېدونکو افغانانو ته د دغې ادارې د مرستو او خدمتونو د وړاندې کولو په اړه خبرې کړي.

 محمد ارسلاح خروټي د يادې موسسې له لوري د مرستو د پيل ستاينه کړې او ویلي يي دي؛ دغه مرستې بايد د اړتيا له مخې وي.

نوموړي زیاته کړې؛ نړۍوال بنسټونه او موسسې په دې سختو او دشوارو شرايطو کې چې افغان کډوال ور سره مخ دي، د نورمال وخت په پرتله زياتې مرستې وکړي.

 مالي او اداري مرستیال ویلي؛ له کډوالو سره باید د سیاسي وسیلې په توګه چلند ونشي، باید له هغوی سره د بشري حقونو او انساني وجیبو له مخې چلند وشي.

 سوسانا فیورتی د جبري راستنېدونکو له پاره د یادې ادارې د ملاتړ او مرستې ډاډ ورکړی او ویلي يي دي؛ موږ به د یو بل سره په همغږۍ او همکارۍ کار وکړو.