د ریاست الوزرا سیاسي مرستیال مولوي عبدالکبیر د اهل تشیع له یو شمېر مخورو او علماوو سره لیدنه کړې.
په دې لیدنه کې، د کور او ښارجوړولو وزارت مرستیال شیخ مدار علي کریمي بامیاني هم شتون درلود.
یادو علماوو او مخورو په خپلو خبرو کې د ریاست الوزرا د سیاسي معاونیت له همکاریو په مننې ویلي، د اسلامي امارت په پرتله بل هېڅ نظام د هزاره او شعیه وګړو غږ نه دی اورېدلی.
دوی زیاته کړې، اسلامي امارت له اړتیا سره سم دوی ته د نظر او مشورو شریکولو موقع برابره کړې ده.
د یاد مخورو په وینا، په ټول هېواد کې د اسلامي امارت مسولین له ولسونو سره ښه او مناسب چلند لري او پر لا ډېرو همکاریو یې ټېنګار کړی.
د اهل تشیع مخورو او علماوو ویلي؛ په هېواد کې د اشغال د اغېزو ختمولو په برخه کې د حکومت ترڅنګ علما او ملت هم مسول دی، چې باید په ګډه سره کار وکړي.
دغهراز دغو علماوو او مخورو د خپلو یو لړ ستونزو د حل وړاندېزونه د ریاست الوزرا سیاسي مرستیال ته سپارلي دي.
د ریاست الوزرا سیاسي مرستیال د اهل تشیع مشرانو او علماوو ته د ښه راغلاست پر مهال له اسلامي امارت سره د هغوی د هڅو او همکاریو ستاینه کړې.
مولوي عبدالکبیر ویلي؛ اسلامي امارت د اهل تشیع علماوو له همکارۍ ډاډمن دی او حکومت هم هڅه کوي، چې پر وخت د هغوی نظر او مشورې واورې او ستونزو ته یې حل لارې ولټوي.
نوموړي زیاته کړې، امارتي ادارې به د هغوی د ستونزو د حل لپاره لاس پکار شي او غوښتنو ته به یې رسېدنه وکړي.
دا مهال د غزې د بشپړې محاصرې اوومه ورځ وه، چې د اسرائیلو د دفاع وزیر یواف ګالانت وویل: “نه برېښنا، نه خواړه، نه اوبه، نه ګاز- هر څه بند دي.”
د غزې تړانګې له ۸۰ سلنه ډېرې سیمې د فلسطینیانو لپاره ناامنه ګڼل کېږي، ځکه چې یا د اسرائیلي عسکرو له لوري د ‘ممنوعه سیمو’ په توګه ټاکل شوې او یا هم د تخلیې د امرونو له وجې ډېری فلسطینیانو په خوندي اعلان شویو سیمو کې پناه اخیسته. حال دا چې دا خوندي اعلان شوې سیمې هم ورځ تر بلې محدودې او کمېږې.
