د پېښو پر وړاندې د چمتووالي ملي ادارې رییس ملا نورالدین ترابي او د پراختیا او څیړنیزې موسسې (CDRO) د رییس سراج الدین شیرزاد او مرستیال محمد نعیم اخندزاده سره پخپل کاري دفتر کې لیدنه وکړه.

ښاغلي ترابي له هرڅه مخکې د یادې موسسې پلاوي ته د ښه راغلاست تر څنګ ویلي؛ تر بل هر وخت اوس ډیر ضرورت دی چې موسسات خپلې مرستې پر اړمنو خلګو ووېشي او د ژمي په را رسېدو سره اړمني کورنۍ د مرستو څخه برخمنې شي.

نوموړي د CDRO موسسې څخه مننه کړې، چې د ژمي په را رسېدو سره خپلې مرستې وېشي او د مرستو پر ژر رسېدنه یې ټینګار کړی.

د CDRO موسسې رییس سراج الدین شیرزاد د یادي ادارې له مشر څخه مننه کړې او ویلي یې دي؛ موږ هڅه کوو چې په ژمي کې خپلې مرستې تر خلکو ورسوو.

نوموړي زیاته کړې؛ موږ په پلان کي لرو چې خوست، غزني او نورستان ولایتونو کې پر خلګو مرستې ووېشو.

د یادونې وړ ده، چې د نورستان ولایت په وامه، برګ مټال، کامدیش، وانټ وایګل، کنتوه، نورګرام، وادب او ماندول ولسوالیو کي تر سروې ورسته ۱۵۱۷۸ مستحقو کورنیو ته د ژمني توکو د برابرولو لپاره هرې کورنۍ ته ۲۰۷ ډالره د CDRO موسسې لخوا د یونسیف د دفتر په مالي ملاتړ ورکول کیږي.

په پای کې د دواړو لورو تر منځ د ګډو همکاریو هوکړه لاسلیک شوه.

د کډوالو ستونزو ته د رسېدنې عالي کمېسیون دارالانشا

د کمېټو ورځنی کاري راپور

د سې شنبې ورځ، د ۱۴۴۶/۴/۲۷ هـ ق نېټه چې۱۴۰۳/۸/۸ هـ ل نېټې سره، سمون خوري، د هېواد له بېلابېلو لارو څخه افغان مهاجرین راستانه شوي او په بېلابېلو برخو کې ورته اړین خدمات وړاندې شوي چې بشپړ راپور یې په لاندې ډول وړاندې کیږي:

ننـــــــــګرهــــــار

تورخم (ډیورنډ فرضي کرښه)

د ثبت، تثبیت او استقبال کمېټه:

د تورخم له لارې (۲۰) کورنۍ هېواد ته راستنې او د نوموړو کورنیو (۱۱۴) تنه غړي، ثبت او بایمیټریک شوي دي.

د ټرانسپورټ او لېږد کمېټه:

له تورخم څخه (۱۱) کورنۍ چې د غړو شمېر یې (۶۲) تنه و، ننګرهار، کابل او کنړ ولایتونو ته په خوندي توګه لېږدول شوې دي او یادو کورنیو ته (۵۱۵۰۰) افغانۍ کرایه هم ورکړل شوې ده.

د مالي چارو د تنظیم کمېټه:

د مالي چارو د تنظیم کمېټې له لوري له (۲۴) کورنیو سره مجموعًا (۱۹۸۰۰۰) افغانۍ کیږي.

د لنډمهاله مېشتېدنې کمېټه:

نن (۲۶) کورنۍ د تورخم په عمري کمپ کې مېشتې کړل شوي دي.

د خدماتو او روغتیايي چارو کمېټه:

د تورخم په عمري کمپ کې راستنېدونکو مهاجرینو ته د روغتیا په شمول لاندې بېلابېل خدمات وړاندې شوي:

غذا: په تورخم کې (۲۲۰) خوراکه ډوډۍ او اوبه ویشل شوي دي.

روغتیا: په تورخم کې (۲۴۸) تنه راستانه شوي مهاجرین تداوي شوي دي.

مخابرات: راستنو شویو مهاجرینو ته (۷۸) عدده سیمکارتونه، په وړیا توګه چې وړیا دقیقې او انټرنېټي بستې هم پکې فعاله وې، توزیع شوي دي.

په تورخم کې مهاجرینو ته ځینې البسه لکه توشکې بړستنې او داسې نور شیان هم توزیع شوې دي.

کنــــــــــــــدهار

سپین بولدک (ډیورنډ فرضي کرښه)

د ثبت، تثبیت او استقبال کمېټه:

د سپین بولدک له لارې (۳۳) کورنۍ چې د غړو شمېر یې (۱۴۵) تنه و، هېواد ته راستنې او ثبت شوي دي.

د مالي چارو د تنظیم کمېټه:

د مالي چارو د تنظیم کمېټې له لوري له (۳۰) کورنیو سره مجموعًا (۲۲۴۰۰۰) افغانۍ کیږي.

د لنډمهاله مېشتېدنې کمېټه:

نن (۴۸) کورنۍ د تخته پل په کمپ کې مېشتې کړل شوي دي.

د خدماتو او روغتیايي چارو کمېټه:

په سپین بولدک کې راستنېدونکو مهاجرینو ته د روغتیا په شمول لاندې بېلابېل خدمات وړاندې شوي:

غذا: په سپین بولدک کې (۱۷۰) خوراکه ډوډۍ او اوبه ویشل شوي دي.

روغتیا: په سپین بولدک کې (۶۲) تنه راستانه شوي مهاجرین تداوي شوي دي.

مخابرات: د مخابراتي خدماتو د ادارې له لوري، راستنو شویو مهاجرینو ته (۸۸) عدده سیمکارتونه په وړیا توګه چې وړیا دقیقې او د انټرنټي بستې هم پکې فعاله وې، وېشل شوي دي.

البسه: په لنډ مهاله کمپونو کې د اړتیا سره سم خیمې، کمپلې او توسان مهاجرینو ته وېشل شوي دي.

نیمروز

ورېښمو لار

د تثبیت، ثبت او استقبال کمېټه:

د نیمروز ولایت د ورېښمو له لارې (۷۷) کورنۍ چې د غړو شمېر یې (۳۲۸) تنه و، هېواد ته راستنې او ثبت شوي دي او همدا راز (۱۹۹۴) مسافر هېواد ته راستانه شوي دي.

د مالي چارو د تنظیم کمېټه:

د مالي چارو د تنظیم کمېټې له لوري له (۷۲) کورنیو سره مجموعًا (۵۵۸۰۰۰) افغانۍ مرسته شوې ده.

د لنډمهاله مېشتېدنې کمېټه:

نن (۷۷) کورنۍ د نیمروز په موقت کمپ کې مېشتې کړل شوي دي.

د خدماتو او روغتیايي چارو کمېټه:

د نیمروز د ورېښمو په لار کې راستنه شویو مهاجرینو ته د روغتیا په شمول لاندې بیلابیل خدمات وړاندې شول:

مخابرات: د مخابراتو او معلوماتي ټکنالوژۍ د مسئولینو له لوري (۷۷) عدده سیم کارتونه مهاجرینو ته په وړیا توګه چې وړیا دقیقې او د انټرنټي بستې هم پکې فعاله وې، توزیع شوي دي.

د اطلاعاتو او عامه پوهاوي کمېټه:

د نیمروز ولایت د ورېښمو په لار کې مهاجرینو ته عامه پوهاوی ورکړل شو. یادو مهاجرینو ته د دوی د ثبت، لیږد، مالي مرستو، لنډ مهاله مېشتېدنې او همدرانکه د هېواد، اسلامي نظام، مهاجرت، صبر او زغم، ښوونې او روزنې په اړه ګټور پوهاوی ورکړل شو.

هرات

اسلام کلا

د تثبیت، ثبت او استقبال کمېټه:

د اسلام کلا له لارې (۱۳۸) کورنۍ چې د غړو شمېر یې (۵۴۴) تنه و، هېواد ته راستنې او ثبت شوي دي.

د مالي چارو د تنظیم کمېټه:

د مالي چارو د تنظیم کمېټې له لوري له (۱۳۴) کورنیو سره مجموعًا (۹۹۰۰۰۰) افغانۍ مرسته شوې ده.

د لنډمهاله مېشتېدنې کمېټه:

نن (۸۶) کورنۍ د اسلام کلا کمپ کې مېشتې کړل شوي دي.

کابل

مرکز

د ټراسپورټ او لیږد کمېټه:

له کابل څخه (۱۰) کورنۍ چې د غړو شمېر یې (۴۲) تنه و، پکتیا ته په خوندي توګه لېږدول شوې دي او یادو کورنیو ته (۲۰۵۰۰) افغانۍ کرایه هم ورکړل شوې ده.

د ټولو کمېټو د بېلا بېلو کړنو ټولیز ارقام په لاندې توګه دي:

ثبت شوي مهاجرین: (۲۶۷) کورنۍ او (۱۱۳۱) افراد

لېږدول شوي مهاجرین: (۲۱) کورنۍ او (۱۰۴) افراد

مرسته شوي مهاجرین: (۲۶۰) کورنۍ

موقت ميشت شوي مهاجرین: (۲۳۷) کورنۍ

وېشل شوي سیمکارتونه: (۲۴۳) عدده

د کډوالو ستونزو ته د رسېدنې عالي کمېسیون دارالانشا

د افغانستان اسلامي امارت د ریاست الوزرا مقام د دفتر لوی رییس ډاکټر ملا عبدالواسع د اذربایجان اکیلیک ګروپ کمپنۍ (AKELIK Group LLC) له مسول او استازي خګاني نوریف سره لیدنه کړې.

په دې کتنه کې د ریاست الوزرا مقام د دفتر لوی ریاست د سیاسي او ولسي چارو رییس مولوي ګلزار احمد حقاني هم حضور درلود.

ښاغلي خګاني نوریف په افغانستان کې د اسلامي امارت له حاکمیت را وروسته د پرمختګونو، سراسري امنیت او ولسونو ته د ارامې فضا پر ایجادولو خوښي څرګنده او له پانګوالو سره د همکارۍ او دوی ته د وړ شرایطو په ایجادولو سره یې د اسلامي امارت د مسولینو قدرداني کړې.

نوموړي زیاته کړې، چې د اذربایجان اکیلیک ګروپ کمپنیو مجموعه د اوبو لګولو او څښاک اوبو برابرولو، د برېښنا د بندونو، سړکونو، ودانیو او ښاري کانالیزاسیون د جوړولو په برخو کې زیاته تجربه لري، په اوزبیکستان او نورو هېوادونو کې یې سترې پروژې تطبیق کړي او له اسلامي بانک او نړیوال بانک سره هم همکاري لري.

د اذربایجان اکیلیک ګروپ کمپنۍ د مسول په وینا؛ یاده کمپنۍ لېواله ده چې د افغانستان په ابادۍ او پرمختګ کې ونډه ولري او عمراني پروژو کې پانګونه وکړي.

ډاکټر ملا عبدالواسع ښاغلي خګاني نوریف ته د ښه راغلاست پرمهال ویلي، چې افغانستان په بېلابېلو برخو کې ابادۍ او بیارغاونې ته اړتیا لري، له همدې امله اسلامي امارت کورنۍ او بهرنۍ پانګونې ته مناسب فرصتونه برابر کړي دي.

د ریاست الوزرا مقام د دفتر لوی رییس زیاته کړې؛ اسلامي امارت له ټولو هغو سوداګرو او پانګوالو، چې په افغانستان کې پانګونې ته لېوال دي، خوښ او د دوی د تجربو او مشورو د شریکولو هرکلی کوي.

د یوه هندي شرکت مسولینو د اوبو او انرژي له وزیر سره په لیدنه کې د برېښنا د تولید په پروژو کې پانګونې ته لېوالتیا څرګنده کړې.

د اوبو او انرژي وزیر ملا عبداللطیف منصور د یوه هندي شرکت له مرستیال منور لال سره لیدنه کړې.

په دې لیدنه کې د انرژي د تولید په پروژو کې د پانګونې په هکله بحث او خبرې شوې دي.

د یاد شرکت مرستیال ویلي؛ چمتو دي چې په افغانستان کې د برېښنا انرژي د تولید په پروژو کې پانګونه وکړي.

د اوبو او انرژي وزیر د دوی د پانګونې د هرکلي ترڅنګ ویلي، چې اوس‌مهال له هره پلوه په افغانستان کې د پانګونې لپاره زمینه برابره شوې ده.

نوموړي ټينګار کړی؛ د اړینو همغږیو د رامنځته کولو لپاره غوره ده، چې د وزارت او د دې شرکت تخنیکي ټیمونه د پانګونې د څرنګوالي او د پروژې د ځای د ټاکلو په هکله هوکړې ته ورسيږي، ترڅو د پروژې د اغېزمنتوب څخه ډاډ تر لاسه او د پلي کولو زمینه برابره شي.

د افغانستان بانک د ټولو رییس نور احمد اغا د ملګرو ملتونو سازمان د سرمنشي له ځانګړې استازې روزا اوتونبایوا او مل پلاوي سره لیدنه کړې.

په دې غونډه کې د افغانستان بانک د ټولو رییس نور احمد اغا په هېواد کې د مالي او بانکي سکټور د وضعیت په اړه مفصلې خبرې کړې.

نوموړي ویلي؛ د افغانستان بانک ژمن دی، چې په افغانستان کې مالي او بانکي سکټور ته وده ورکړې او په دې وسیله د هېواد په اقتصادي رغښت کې خپل مثبت رول تر سره کړي.

په یاده غونډه کې د ملګرو ملتونو د سرمنشي ځانګړې استازې د هېوادونو په اقتصادي رغښت کې د مالي او بانکي سکټور وده او پرمختګ د ارزښت وړ یاد کړی او پدې برخه کې یې د همکارۍ ژمنه کړې ده.

د یادونې وړ ده، چې په دې غونډه کې د افغانستان بانک لومړي مرستیال صدیق الله خالد هم ګډون درلود او د بېلابېلو مالي او بانکي موضوعاتو په اړه یې له راغلي پلاوي سره خبرې او د نظرونو تبادله کړې ده.

د افغانستان اسلامي امارت د کرنې، اوبو لګولو او مالداري وزارت د کرنې او مالداري مرستیال مولوي صدراعظم عثماني د کرنې د ودې او د بې وزلي د کچې ټیټولو په اړه یوه نړیواله غونډه کې د ګډون په موخه چين ته سفر کړی.

دا غونډه د چین پلازمېنه بیجنګ کې د بېلابېلو هېوادونو د ۳۰۰ مسولینو په ګډون ترسره کېږي.

د دې غونډې موخه د بې‌وزلي د کچې ټیټول او د نړۍ د هغه ۸۰۰ میلیونه وګړو سره د مرستې او همکارۍ په تړاو خبرې او نظرونو تبادله ده، چې له بې‌وزلي سره مبارزه کوي.

په دې غونډه کې به د افغانستان اسلامي امارت د کرنې او مالداري مرستیال د افغانستان د کرنې او مالداري سکټور د وضعیت او په یادو برخو کې د شته فرصتونو په اړه وینا او خپلې تجربې هم شريکې کړي.

د الجزیرې د راپور له مخې، اسرائیلي یرغلګرو د غزې په شمال بیت‌لاهیا کې یوه پینځه پوړیزه ودانۍ په نښه کړې، چې له امله یې د ښځو او ماشومانو په ګډون ۷۷ فلسطینیان شهیدان او لسګونه نور ټپیان شوي دي.

په شهیدانو کې ۱۷ داسې ماشومان هم شامل دي، چې عمرونه یې له ۱۲ کلونو کم دي.

دا ودانۍ چې فلسطیني بې‌ځایه شویو پناه پکې اخیستې وه، په بشپړ ډول ویجاړه شوې ده.

ځايي سرچینو رسنیو ته ویلي، چې د ښځو او ماشومانو په ګډون ګڼ کسان تر ویجاړیو او خاورو لاندې بند پاتې دي او ګڼ کسان د خپلو کورنیو په لادرکه غړو پسې ګرځي.

د غزې په شمال کې یوازینی څه نا څه فعال ‘العوده’ روغتون د برید د ډېرو ټپیانو د ځای پر ځای کولو توان نه لري.

له خاورو زیات را ایستل شوي ټپیان له سخت وضعیت او نازک روغتیايي حالت سره مخ دي. ډېری یې زیاته وینه ضایع کړې او نور بیا د ودانۍ د لویو کانکریټي ټوټو د لوېدو له امله سخت ټپيان شوي دي.

له درېیو اونیو ډېره موده کېږي، چې اسرائیلي یرغلګرو د غزې شمال محاصره کړی او جبالیا او بیت‌لاهیا کمپونو کې یې پراخه پوځي عملیات پیل کړي.

د غزې په شمال کې د یادې پوځي محاصرې له امله لسګونه زره فلسطینیان خوړو، اوبو، درملو او د ژوند لومړنیو اسانتیاوو ته له لاسرسي پرته ایسار پاتې دي.