د ریاست الوزرا اداري مرستیال مولوي عبدالسلام حنفي د هېواد یو تن متخصص ډاکتر اېمل وردک سره لیدنه کړې.
په دې لیدنه کې لومړی ډاکتر اېمل وردک په هېواد کې د روغتیايي وضعیت په اړه خبرې کړي او روغتیا سکتور ته د اسلامي امارت په پاملرنه یې خوښي څرګنده کړې ده.
نوموړي د روغتیايي خدمتونو د کیفیت د کنټرول جدي اړتیا ته په اشارې ویلي، هیله ده د هېواد په کچه د ډاکترانو د ظرفیت لوړېدو ته ځانګړې پاملرنه وشي.
مولوي عبدالسلام حنفي ویلې، اسلامي امارت کوښښ کوي چې د روغتیا په برخه کې زیات پروګرامونه عملي کړي.
د ریاست الوزرا اداري مرستیال زیاته کړې، اسلامي امارت به کوښښ وکړي چې د روغتیايي خدمتونو په برخه کې ښه والی راشي.