د ریاست الوزرا سیاسي مرستیال مولوي عبدالکبیر په سپیدار ماڼۍ کې له یو شمېر استادانو او لیکوالو سره لیدنه کړې.
په دې ناسته کې یادو استادانو په افغانستان کې د سرتاسري امنیت په ټینګښت او د پراختیایي چارو په پلي کېدو خوښي ښودلې او د هېواد د تحصیلي نظام په پیاوړتیا او د کیفیت په ښه کولو یې ټینګار کړی.
هغوی دغه راز، خپل نظرونه او وړاندیزونه د ریاست الوزرا سیاسي مرستیال سره شریک کړي دي.
د ریاست الوزرا سیاسي مرستیال له استادانو څخه په مننې ویلي، د ښوونیز او تحصیلي نظام پیاوړتیا اړتیا ده او اسلامي امارت په دې برخه کې ځانکړې پاملرنه لري.
مولوي عبدالکبیر زیاته کړې، اسلامي امارت تر هر چا د زده کړو او علم په ارزښت پوهېږي او د تحصیلي بنسټونو احیاء او پراختیا ته کار کېږي.