د مالیې وزارت د ګمرکونو لوی ریاست د ۱۳.۶ میلیونه افغانیو په ارزښت د بلخ ولایت د نائب اباد په ګمرک کې د وارداتي او صادراتي سوداګریزو توکو د وزن معلومولو له پاره دوه د لوړ تناژ تلې او د آقینې په ګمرک کې د ورداتي توکو د وزن معلومولو له پاره یوه د لوړ تناژ تله جوړه او ګټې اخیستنې ته وسپارل شوې.
یادې تلې، چې ۲۲ متره اوږدوالی او درې متره پلنوالی لري، په ګټې اخیستنې سره به بې له اضافه وزن او د ملي عوایدو له ضایع کېدو څخه مخنیوی وشي همدارنګه د ۱.۴ میلیونه افغانیو په ارزښت د کندوز په ګمرک کې د وارداتي توکو له پاره یوه د لوړ تناژ تله ترمیم او ګټې اخیستنې ته وسپارل شوه.
د یادونې وړ ده، چې د یادو تلو د جوړولو او ترمیم لګښت (۱۵ میلیونه افغانۍ) د مالیې وزارت له پراختیایي بودیجې څخه ورکول شوي او چارې یې هم د افغاني شرکتونو له لوري بشپړې شوې دي.