د عامې روغتیا وزیر مولوي نور جلال جلالي او ورسره مل پلاوي کندوز ولایت ته د خپل سفر پر مهال د دې ولایت له والي ملا محمد خان دعوت سره لیدنه کړې.
په دې لیدنه کې د عامې روغتیا وزارت د دفتر لوی رییس شیخ محمد طاهر حلیم، د کندوز ولایت د عامې روغتیا رییس ډاکټر محمد اللّٰه حکمت او مل پلاوي هم شتون درلود.
لیدنه کې په کندوز ولایت کې د نویو روغتونونو جوړولو، د خلکو روغتیایي ستونزو ته د رسېدنې او د ولسونو لپاره د لا ښو خدماتو برابرولو اړوند خبرې شوې دي.
د عامې روغتیا وزیر کندوز ته د خپل سفر موخه په یاد ولایت کې د روغتیایي خدمتونو ارزول بللي.
مولوي نور جلال جلالي ځايي مسولینو ته د ستونزو د حل ډاډ ورکړی او ویلي یې دي، هڅه کوي چې روغتیایي سیستم لا پیاوړی او ځایي اوسېدونکو ته غوره خدمات وړاندې کړي.