د مالیې وزارت د ګمرکونو او عوایدو د مرستیال مفتي عبدالمتین سعید په مشرۍ د تعرفې کمېټې لومړۍ غونډه وکړه.
په دې ناسته کې د خصوصي سکټور ستونزو ته د رسېدو او کورني صنعت د ودې په موخه په یو شمېر واردوونکو توکو ګمرکي تعرفې کمې او په یو شمېر نور بیا لوړې شوې دي.
- د لوبیا، مټرو او نخودو کنسرونه: له ۳۰ ، ۲۵ او ۸۰ سلنې څخه ۴۰ سلنې ته!
- د پنیر او اوبو پوډر: له ۶۰ سلنې څخه ۵۰ سلنې ته!
- د ایسکریم جوړولو ماشین: له ۲۰ سلنې څخه ۵ سلنې ته!
- د اوبو یخولو ماشین: له ۲۰ سلنې څخه ۱۲ سلنې ته!
- د نلونو، اوسپنیز نښلوونکی او شیردانونه: له ۱۰ او ۳۰ سلنې څخه ۲۰ سلنې ته!
- کیمیاوي سره: د ۲.۵ سلنې څخه یو سلنې ته!
- تور نخود: له ۱۲ سلنې څخه ۱۰ سلنې ته راښکته شوې!
- اچار او ککاو: له ۲۰ سلنې څخه ۳۰ سلنې ته پورته شوې.
- د دالو هم د پینځه سلنې څخه ۲۰ سلنې ته ګمرکي تعرفه پورته شوې ده!
د کانونو او صنایع خونه وايي، چې د مالیې وزارت له لوري په واردوونکو توکو د ګمرکي تعرفې راټیټول به کورنی صعنت پياوړی او صنعتکاران به وهڅوي، چې لا نوره پانګونه وکړي.
افغانستان اوسمهال په کور دننه ۵۰۰ بېلابېل توکي تولیدوي، چې په ۱۴۳ سکټورونو کې پرځان بسیا دی.