پرون (چهارشنبه، د غویي ۱۰مه) د قدس په اشغال شوې برخه کې پراخه اور لګېدلی، چې له امله یې ګڼې لویې لارې تړل شوې او د مختلفو سیمو زرګونه کسانو ته د سیمې د پرېښودو امر شوی.
د راپورونو له مخې، صهیونیستي رژیم ۱۰ زره کسانو ته د سیمې د پرېښودو او د ۹ ښارګوټو د خالي کولو امر کړی دی.
ویل کېږي چې اور وژنکي د سختو بادونو له امله د اور په کنټرول کې پاتې راغلي.
د اسرائیلي رسنیو د راپورونو پر بنسټ، دې اورلګېدنې یو زر او ۲۰۰ هکټاره ځمکه نیولې او ۱۲ اسرائیلیان یې ټپیان کړي.
دا تر ټولو سخته او زروره اور لګېدنه ګڼل شوې. په سیمه کې د اور وژنو ادارو خبرداری ورکړی، چې دا اور ښايي د سختو بادونو د اټکل له مخې ډېرې سیمې لاندې کړي او راتلونکي ساعتونه به ډېر سخت وي.
د دې اور لګېدنې له امله تلابیب ته غځېدلې لویه لاره هم تړل شوې ده.
د ټولنیزو رسنیو په خپرو شویو ویډیوګانو کې ښکاري، چې د اور لګېدنې له ځایه دودونه او لمبې پورته کېږي او خلک په لویو لارو د پېښې له ځایه تښتي.
د راپورونو پر اساس، د اورلګېدې شدت د قدس په اشغال شوې برخه کې د صهیونیستي رژیم نظامي اډې، په ځانګړې توګه د ټانکونو د ساتنې ځای ته نږدې زیات شوی دی.
صهیونیستي رژیم د اور لمبو په مهار کې پاتې راغلی او له اروپايي هېوادونو یې د مرستې غوښتنه کړې ده.