د سعودي عربستان د بهرنیو چارو وزارت د یوې خبرپاڼې په خپرولو سره د افغانستان او پاکستان ترمنځ د اوربند د هوکړې لاسلیک او د دايمي سولې او ثبات د ټینګښت لپاره د دایمي میکانېزمونو د جوړولو هرکلی کړی.
د دغه وزارت په خبرپاڼه کې راغلي، سعودي عربستان ژمنه کوي، چې د پاکستان او افغانستان د امنیت، ثبات او هوساینې لپاره به خپلو هڅو ته دوام ورکړي.
سعودي عربستان دغه راز په دې پروسه کې د قطر او ترکیې له هڅو هم مننه کړې ده او هیله یې څرګنده کړې، چې دا مثبت ګام به د دواړو هېوادونو ترمنځ رامنځته شوي کړکېچ ته د پای ټکی کېږدي.