د صنعت او سوداګرۍ وزیر نورالدین عزیزي، هند ته د سفر په ترڅ کې د دغه هېواد د خصوصي سکتور او “PHDCC” خونې د رهبرۍ له غړو او په هند کې د افغانستان د خصوصي سکتور له غړو سره وکتل.
د صنعت او سوداګرۍ وزارت وايي، چې په دې کتنه کې د هند له خصوصي سکتور څخه غوښتي، چې افغانستان کې د پانګونې سربېره د صادراتو او وارداتو برخه کې هم ونډه واخلي.
همدا راز د یاد هېواد د خصوصي سکتور استازو د افغانستان او هند ترمنځ د ګډې همکارۍ ډاډ ورکړی دی.