اریانا افغان هوایي شرکت ویلي چې د یوې چارټر نوې کارګو الوتکې د پېرلو تړون یې وروستی کړی، چې نږدې راتلونکې کې به هېواد ته را روسېږي.
د دې شرکت رییس ملا بختالرحمن شرافت ویلي چې د دې تړون وروستي کول د ملي سوداګرو څخه د ملاتړ په برخه کې د اریانا افغان هوایي شرکت ژمنتیا څرګندوي.
د نوموړي په وینا، دغه شرکت هڅه کوي چې د هېواد د سوداګريز په ځانګړي ډول د صادراتي بهير د پرمختګ ملاتړ وکړي او د هوايي ترانسپورټ په برخه کې لا پیاوړي، باوري او رقابتي خدمتونه وړاندې کړي.