د کابل ولایت مقام د رسنیو دفتر وایي، چې د اسلامي امارت د مشرتابه په لارښوونه د دې ولایت په میربچه کوټ ولسوالۍ کې د اراضي ریاست اړوند یو زر او ۱۱۶ جریبه ځمکه د درملو د تولید معیاري صنعتي پارک د جوړولو په موخه د عامې روغتیا وزارت د خوړو او درملو معینیت ته وسپارل شوه.
د کابل والي ملا امینالله عبید د دغې ځمکې د خطاچونې، لېږد او سپارلو بهیر د لیدنې او ارزونې په موخه میربچهکوټ ولسوالۍ ته سفر کړی دی.
د کابل والي د دې بهیر د ارزونې پر مهال ویلي، چې د دغه ډول پروژو پلي کول به د هېواد په اقتصادي وده، صنعت پراختیا او د روغتیایي خدمتونو ښهوالي کې ارزښتناک رول ولوبوي.