د افغانستان برېښنا شرکت د هېواد په کچه د برېښنا د تولید پروژو د تطبیق او د چارو پرمخوړلو په موخه، د کجکي برېښنا تولید بند د دویم فاز دویم پړاو د مالي تمویل او ودانیزو چارو د تطبیق لپاره له کجکي پاور انرژي شرکت او ملي بانک سره هوکړهلیک لاسلیک کړ.
همدارنګه، د برېښنا انرژۍ د تولید د منظور شويو پروژو د تطبیق لپاره د افغانستان برېښنا شرکت، ملي بانک او زولرستان شرکت ترمنځ هم یو ګډ هوکړهلیک لاسلیک شو.
د یادونې وړ ده، چې د افغانستان برېښنا شرکت په هېواد کې د پانګوالو د ملاتړ او پانګونې د هڅونې په موخه ټولې اړینې اسانتیاوې برابرې کړې دي او دا مهال د برېښنا د تولید او تخنیکي تاسیساتو د جوړولو په برخه کې پر ګڼو سترو پروژو چټک کار روان دی.