د صنعت او سوداګرۍ وزارت مرستیال مولوي احمدالله زاهد، مل رسمي پلاوي او شاوخوا ٥٠ کسه ملي سوداګرو په ملتیا د بنګلهدېش هېواد ته رسمي سفر وکړ.
د صنعت او سوداګرۍ وزارت وايي، ټاکل شوې ده چې په دې سفر کې به د افغانستان او بنګلهدېش ترمنځ پر دوهاړخیزو سوداکریزو اړیکو، د سوداګرۍ د پراختیا، د صادراتو او وارداتو د اسانتیاوو او د ګډو پانګیزو فرصتونو په اړه هر اړخیزې خبرې ترسره شي.
یاد وزارت زیاته کړې، چې همداراز به د دواړو هېوادونو ترمنځ د سوداګریزو همکاریو د پیاوړتیا او د ګډو هوکړهلیکونو د لاسلیک پر لارو چارو خبرې وشي.
د غهوزارت په وینا؛ د یاد سفر موخه د افغانستان د ملي سوداګرو لپاره د نویو بازارونو موندل، د افغانستان د تولیداتو لپاره د صادراتي فرصتونو پراخول، او د سیمې په کچه د اقتصادي همکاریو پیاوړتیا بلل کېږي.
د صنعت او سوداګرۍ وزارت ټینګار کوي چې دا ډول سفرونه د هېواد د اقتصادي ودې، د سوداګرۍ د پراختیا او د ملي اقتصاد د پیاوړتیا لپاره مهم او اغېزناک رول لري.