په مسکو کې د اسلامي امارت لوی سفیر مولوي ګل حسن حسن د افغانستان لپاره د روسیې ولسمشر له ځانګړي استازي ضمیر کابلوف سره لیدنه کړې.
روسیه کې د افغانستان سفارت وایي، چې په دې لیدنه کې د دوه اړخیزې سوداګرۍ د پراختیا، افغانانو ته د ویزو د ورکړې په برخه کې د اسانتیاوو او د ګډو همکاریو په تړاو خبرې شوې دي.
ښاغلي حسن د روسیې د ولسمشر لهخوا د نوموړي د باورلیک له منلو مننه کړې او د افغانستان پر وړاندې یې د دې هېواد مثبت دریځ ستایلی دی.
بل لوري ښاغلي کابلوف د ګډو سیاسي او اقتصادي همکاریو د پراختیا په برخه کې د روسیې د لېوالتیا او چمتووالي اعلان کړی دی.