د ملي دفاع وزارت وایي، چې د دې وزارت اړوند د مرکزي قطعاتو او سیمهییزو قول اردوګانو (۸۶) تنه منسوبین د عبدالله بن مسعود رضياللهعنه د جګړهایزو ګډو زدهکړو قومندانۍ د مسلکي ښوونځیو د BM-21 دستګاه او د چاودېدونکو توکو د خنثی کولو له څلورنیم میاشتنیو نظري او عملي زدهکړو وروسته، د یو لړ مراسمو په ترڅ کې فارغ شول.
په دې مراسمو کې د عبدالله بن مسعود رضياللهعنه د جګړهایزو ګډو زدهکړو قومندانۍ مرستیال مولوي محمود “قانع”، ګڼشمېر مسولینو او منسوبینو ګډون درلود.
مسولینو یادو فارغانو ته د وینا پر مهال وویل:”د توپچي او درنو وسلو زدهکړې د اسلامي ارزښتونو، ملي نوامیسو او ځمکنۍ بشپړتیا د ساتنې او په جګړه کې د بریا ترلاسه کولو لپاره اړینې دي؛ نو هڅه وکړئ له یادو زدهکړو څخه د نظام د تحکیم او پیاوړتیا په برخه کې هر اړخیزه ګټه پورته کړئ.”
په پای کې یادو فارغانو مسولینو ته ډاډ ورکړ، چې د سر او وینو په بدل کې به له اسلامي نظام او هېواد څخه دفاع او ساتنه کوي.