د کانونو او پټرولیم وزیر ملاهدایت الله بدري د ترکمنستان له سفیر سره لیدنه کړې ده.
په دې لیدنه کې د دواړو هېوادونو ترمنځ د ښو او اوږدمهاله اړیکو د پراختیا ترڅنګ، د ګډو همکاریو او په ځانګړې توګه د ټاپي پروژې په اړه هم خبرې شوې دي.
د ترکمنستان سفیر د ښاغلي وزیر له میلمه پالنې څخه مننه کړې او د یادې پروژې د پرمختګونو او راتلونکو کاري پلانونو په اړه یې معلومات وړاندې کړې دي.
ورته مهال د کانونو او پټرولیم وزیر د پروژې د فعالیتونو او پرمختګونو په اړه خوښي څرګنده کړې او د افغانانو لپاره يې د کاري زمینې برابرولو د اړینو او هر اړخیزو همکاریو پردوام یې ټینګار کړی دی.
دغهراز په پای کې دواړو لوریو د پروژې د کار د چټکتیا په موخه ټینګار کړی او هیله یې څرګنده کړې، چې د روان میلادي کال تر پایه، تر هرات ولایت پورې د ټاپي پروژې چارې بشپړې شي.