د ایران د بهرنیو چارو وزیر سید عباس عراقچي او د ترکیې د بهرنیو چارو وزیر هاکان فیدان تېره ورځ (چهارشنبه، د سلواغې ۸مه) ټلیفوني خبرې کړي.
د ایران بهرنیو چارو وزارت وایي، دې خبرو کې دواړو لوریو د سیمې هېوادونو په چارو کې په نه لاسهوهنه ټینګار کړی دی.
دواړو بهرنیو چارو وزیرانو دغه راز د سیمې د سولې او ثبات پر وړاندې د تاوتریخوالي او ګواښونو د زیاتوالي د مخنیوي لپاره د ټولو لوریو د دوامداره هڅو پر اهمیت هم ټینګار کړی دی.