د اطلاعاتو او کلتور وزارت د ګرځندوی، مالي او اداري چارو مرستیال مولوي قدرت الله جمال لغمان ولایت ته د سفر په ترڅ کې د سراج تاريخي کلا، مهترلام بابا زيارت، زرغونډۍ او د دې ولایت له يو شمېر نورو تاريخي ځايونو څخه ليدنه وکړه.
ښاغلي جمال د دغو تاریخي ځایونو او لرغونو سیمو څخه د لیدنې پرمهال وویل: “لغمان يو تاريخي او لرغونی ولايت دی او د بېلابېلو ځانګړتیاوو په لرلو سره د سېلانيانو د جذب لامل کیدای شي.”
ښاغلي جمال زیاته کړه، چې اطلاعاتو او کلتور وزارت به د سراج تاريخي کلا د حيثیت ساتنې ته ځانګړې پاملرنه وکړي او دغه کلا به د سېلانيانو د پاملرنې وړ وګرځي.