د عالیقدر امیرالمومنین حفظه الله د فرمان او د وزیرانو شورا د پرېکړې له مخې کابل او ولایتونو ته پر غځېدلو لویو لارو جوماتونه جوړیږي.
کابل والي شیخ محمد قاسم خالد د کابل ولایت د کرنې، ټولګتو، حج اوقافو او ښار جوړونې له رییسانو سره مشورتي ناسته کړې.
کابل والي د عالیقدر امیرالمومنین حفظه الله د فرمان او د وزیرانو شورا د پریکړې په اړه چې له مخې یې په کابل او ولایتونو ته پر غځېدلو لویو لارو کې جوماتونه جوړیږي، خبرې کړي.
شیخ محمد قاسم خالد ویلي؛ دغه جوماتونه باید په ښه بڼه او اړینو ځایونو کې جوړ شي، ترڅو په لویو لارو کې د مسافرو د لمانځه د ځای نشتون ستونزه حل شي.
د غونډې نورو ګډونوالو هم په خپل وار د جوړېدونکو جوماتونو په اړه خپل نظریات وړاندې کړي او ډاډ یې ورکړی، چې د یادو جوماتونو د جوړېدو په برخه کې به په پوره صداقت کار وکړي.
په ناسته کې یو باصلا حیته پلاوی وټاکل شو، ترڅو په لویو لارو کې د جوړېدونکو جوماتونو لپاره ځایونه وټاکي.