د ترکیې ولسمشر رجب طیب اردوغان اعلان کړی، چې هېواد به یې ډېر ژر د بومي هوايي بېړیو جوړولو لړۍ پیل کړي.
نوموړي ویلي، ترکیه چې د بېپیلوټه الوتکو، توغندیو، بېړیو، چورلکو او ټانکونو د تولید وړتیا لري، کولای شي جنګي الوتکې او هوايي بېړۍ هم د خپلو دفاعي تولیداتو په لړ کې ور زیاتې کړي.
دغهراز ښاغلي اردوغان ټینګار کړی، چې ترکیه به د خپل ملي امنیت د خونديتوب لپاره له خپلو پولو بهر ټول اړین اقدامات ترسره کړي او هر ځای چې ګواښ وویني، بې له دې چې له چا اجازه واخلي، هغه به له منځه یوسي.