د ملي دفاع وزارت مرستیال ویاند صدیقالله نصرت د افغان مجاهدینو د تلفاتو په اړه د پاکستان د اطلاعاتو وزیر ادعاوې ناسمې او تبلیغات ګڼلي.
ښاغلي نصرت ويلي، پاکستاني لوری د نا سمو راپورونو په خپرولو سره هڅه کوي خپل هغه درانه تلفات چې د افغان ځواکونو له لوري ورته اوښتي پټ کړي.
د نوموړي په وینا، د افغان مجاهدینو په بریدونو کې سلګونه پاکستانۍ ملېشې وژل شوي او سلګونه تنه نور ټپیان شوي او همدارنګه د هغوی لسګونه پوستې او قرارګاوې له منځه تللې دي.