د کورنیو چارو وزير خلیفه سراج الدین حقاني د کار او ټولنیزو چارو له وزیر ملا عبدالمنان عمري سره په ځینو مهمو موضوعاتو خبرې کړي.
د کورنیو چارو وزارت ویاند مفتي عبدالمتین قانع وايي، چې په دې لیدنه کې د هېواد دننه او بهر د کاري فرصتونو پر رامنځته کولو خبرې شوې او ټینګار یې کړی، چې د دواړو وزارتونو تر منځ به د همغږۍ پر لا زیاتېدو، بهر ته د تلونکو او هېواد ته د راتلونکو کارګرو د تګ راتګ چارې تسهیل شي.