یادې پروژې د خوست په صبریو ولسوالۍ کې د ولایتي چارواکو لخوا پرنیستل شوې چې یوه د اوبو کانال او بله یې د اوبو د زیرمې پروژه ده.
د یادو پروژو د پرانیستې پر مهال د خوست ولایت ځايي مسولینو وویل؛ دغه دوې پروژې چې یوه یې د صبریو زمبر سیمه کې د ۴۳۰ مترو په اوږدوالي د کانال پروژه ده او بله یې واتر شیډ ( د اوبو زیرمه کولو) پروژه ده د ۱۳۰ زره امریکايي ډالرو په ارزښت جوړویږي او ۱۴۱۶ کسانو ته د کار زمینه برابره وي او ترڅنګ به یې د کانال په بشپړیدو سره د یادې ولسوالۍ د نیږدې سیمو ۷۷۴۵ جربیه کرنیزه ځمکه هم خړوبه شي.
د مسولینو په وینا؛ په واټر شیټ ( د اوبو زیرمه کولو) پروژه کې به ۶ زره مېوه لرونکو نیالګیو ته ګوړي وکېندل شي ، د ځنګلونو د ساتنې او د ځمکې لاندې اوبو د تقویې په برخه کې به رغنده رول ولري.
د خوست د اقتصاد ریاست رییس په خپله وینا کې د صبریو ولسوالۍ پر ولسونو باندې غږ وکړ چې د خپلمنځي اختلافاتو تیر شي او د پیل شویو پروژو نظارت وکړئ ترڅو اساسي ورغول شي او تر ډېره دوام وکړي.
د اقتصاد رییس ټینګار وکړ، چې د کارونو لومړیتوب یې خپلو ولسونو ته د کاري فرصتونه برابرول او د بې کارۍ کچه را ټیټه ول دي، ترڅو خلک له بې روزکارۍ خلاص او خپل اقتصاد ته وده ور کړي.