د قطر د بهرنیو چارو وزارت پر لبنان د اسراییلي رژیم روان بریدونه او د دغه هېواد په سوېل کې د ځمکنیو عملیاتو پراختیا غندلې او دا یې د تاوتریخوالي زیاتوالی او د نړیوالو قوانینو ښکاره نقض بللی دی.
یاد وزارت په یوه اعلامیه کې ویلي، پر ملکي وګړو بریدونه او د اسراییلي رژیم د پوځي عملیاتو پراختیا د لبنان د حاکمیت نقض او د نړیوال بشردوستانه قانون له اصولو ښکاره سرغړونه ده.
قطر همداراز له نړیوالې ټولنې او نړیوالو بنسټونو غوښتي، چې د اسراییلي رژیم د بریدونو د درولو او د نړیوالو قوانینو او ژمنو د رعایت لپاره د دغه رژیم د مجبورولو په موخه اغېزمن اقدامات ترسره کړي.
دغهراز دوحې ټینګار کړی، چې اسراییلي رژیم باید د خپلو کړنو په اړه حسابورکوونکی وګرځول شي او پر لبنان دې پرلهپسې بریدونه پای ته ورسول شي.