کابل ښاروالي وایي، چې راتلونکی ۱۴۰۳ لمریز کال به کابل ښار کې دوه میلیونه میوه لرونکي او بېمېوې نیالګي کېنول شي.
ورته مهال کابل ښاریان د نیالګیو کېنول د ښاري ښکلا ترڅنګ د چاپېریال پاکوالي لپاره مهم بولي او وایي، چې خلک او حکومت دې یې په پالنه کې ګډه همکاري وکړي.
د کابل ښاروالۍ د مسولنیو په وینا؛ دا نیالګي به د عمومي واټونو او سړکونو په ګلدانونو کې کېنول شي، چې زینتي ګلان هم پکې شامل دي.
د دوی په وینا؛ د یادو نیالګیو د اوبه کولو او تازه ساتلو په موخه ځانګړي پلانونه جوړ شوي، تر څو د وچېدلو مخه یې ونیول شي.